திங்கள்கிழமை 16 செப்டம்பர் 2019

உழவாரப் பணிக்காக காத்திருக்கிறது பழையார் சிவன் கோயில்

DIN | Published: 12th October 2018 12:07 PM

 

பழையார் எனும்பெயரில் கொள்ளிட முகத்துவாரத்தில் ஓர் ஊர் உள்ளது. சோழ தலைநகரும் ஒன்று உள்ளது. இந்த பழையார் கொல்லுமாங்குடி - நெடுங்காடு சாலையில் ஆறு கி.மீ தூரத்தில் உள்ளது. 

பிரதான சாலையில் இருந்து ஊருக்குள் அரை கிலோ மீட்டர் சென்றால் பெரிய குளத்தின் மேற்கில் உள்ளது சிவாலயம். பெரிய செங்கற்கோயில் ராஜ கோபுரம் இல்லை அதற்கு ஒட்டினாற்போல் ஒரு விநாயகர் சன்னதி ஒன்று முன்னிழுக்கப்பட்ட ஒரு சிமென்ட் மண்டபம் கொண்டு உள்ளது. 

ஒரு கால பூஜை கோயில் தான் இது, அரசின் வரவு முறையாக இல்லாமல் இருக்கிறது, எனினும் ஒரு அந்தணர் குடும்பம் இதனை விட்டுப் பிரிய மனமில்லாமல் பூசை செய்து வருவதைக் கேள்விப்பட்டோம். 

பெரிய வளாகமாக உள்ளது கோயில் மதில் சுவர் செங்கல்லும் மண்ணும் வைத்துக் கட்டப்பட்டதால் காலம் அதனைச் சரித்து விட்டது. இறைவன் கிழக்கு நோக்கிய கருவறையிலும், இறைவி தெற்கு நோக்கிய கருவறையிலும் உள்ளனர். இருவரையும் ஒரு கூம்பு வடிவ மண்டபம் இணைக்கிறது. கருவறை வாயிலில் ஒருபுறம் சில விநாயகர் சிலைகள், நாகர் சிலைகள் உள்ளன. மறுபுறம் முருகன் பிராகாரத்திலும், கருவறை கோட்டத்திலும் தென்முகனை தவிர சிலைகள் ஏதும் இல்லை. 

கோயில் குடமுழுக்கு கண்டு பல ஆண்டுகள் ஆகிவிட்ட நிலையில் ஆங்காங்கே விரிசல் காண துவங்கியுள்ளது மண்டபம். வளாகம் உழவாரப் பணிக்காக காத்திருக்கிறது. 

- கடம்பூர் விஜயன் (7639606050)

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

More from the section

செய்யாறு வேதபுரீஸ்வரர் திருக்கோயில் கோபுரம் இடி தாக்கி சேதம்
நாமக்கல் ஸ்ரீ ஆஞ்சநேயருக்கு 1.08 லட்சம் வெற்றிலைகளால் அலங்காரம்
திருக்குறுங்குடி திருமலைநம்பி கோயிலில் உறியடி திருவிழா
மஹாளயபட்சத்தின் 15 நாட்களும் எப்படி இருக்க வேண்டும்?
மஹாளயபட்ச திதியில் தர்ப்பணம் செய்தால் கிடைக்கும் பலன்கள்!