கேரட்டை அப்படியே சாப்பிடுவது கடினமாக இருப்பவர்கள் ஜூஸாக குடித்தால் உடலுக்கு நீர்ச்சத்தும் சேரும்.
கேரட்டில் ஏ, பி6, சி, கே1, பொட்டாசியம் ஆகிய தாதுக்களும் இரும்புச் சத்து, நார்ச்சத்து ஆகியவையும் உள்ளன. மேலும் இதில், ஆன்டி- ஆக்சிடன்ட் நிறைந்து காணப்படுகிறது. இந்த ஆன்டி-ஆக்சிடன்ட் புற்றுநோய் வரும் அபாயத்தைக் குறைக்கிறது.
கேரட்டில் வைட்டமின் ஏ இருப்பதால் கண் பார்வைக்கு மிகவும் நல்லது. கண்புரை நோய் ஏற்படுவது தடுக்கப்படும். மாலைக்கண் நோய் குணமாகும்.
இதையும் படிக்க | செரிமானத்திற்கு வீட்டிலுள்ள இந்த 5 பொருள்கள் போதும்!
கேரட்டில் பல வண்ணங்கள் இருந்தாலும் ஆரஞ்சு நிற கேரட்டில் பீட்டா கரோட்டின் அதிகமாக இருப்பதால் அதை சாப்பிடுவது நல்லது.
எலும்புகள் வலுவடைந்து, உறுதித்தன்மை அதிகரிக்கும். ஸ்ட்ரோக் எனப்படும் பக்கவாத நோய் வரும் அபாயத்தைக் குறைக்கும்.
ரத்தத்தில் உள்ள கெட்ட கொழுப்புகளை கரையச் செய்து உடல் எடையைக் குறைக்கிறது.
செரிமானத்தைத் தூண்டுகிறது. வயிற்றுக்கோளாறுகளை சரிசெய்கிறது.
சருமத்தில் உள்ள நச்சுகளை வெளியேற்றி சருமத்தில் பொலிவை ஏற்படுத்துகிறது.
கல்லீரலுக்கு மிகவும் நல்லது. ரத்த அழுத்தத்தைக் குறைக்கிறது.
உடலில் ஏற்படும் அழற்சியைக் குறைக்கிறது.
இதையும் படிக்க | ஒரு நாளைக்கு எத்தனை டீ குடிக்கலாம்? அதிகம் குடித்தால் என்னவாகும்?