செய்திகள்

மகிழ்ச்சியான, நீண்ட எதிர்காலத்திற்கு நல்ல துணைவரைத் தேர்வு செய்யுங்கள்..!

13th Feb 2020 03:08 PM

ADVERTISEMENT

 

ஒருவர் தனது வாழ்க்கையில் நல்ல துணைவரைப் பெற்றால் அவர் மகிழ்ச்சியான, ஆரோக்கியமான, நீண்ட எதிர்காலத்தை பெறுவதாக ஆய்வாளர்கள் கூறுகின்றனர். 

தற்போதைய நவீன காலகட்டத்தில் மகிழ்ச்சியான, ஆரோக்கியமான வாழ்க்கை என்பது பல வகைகளில் கேள்விக்குறியாகியுள்ளது. ஒருபக்கம் தொழில்நுட்ப வளர்ச்சி இருந்தாலும், அதன் காரணமாக மறுபக்கம் உறவில் விரிசல், நோய்கள் என மக்கள் வாழ்க்கையுடன் போரிட்டு வருகின்றனர். 

இந்நிலையில், ஆரோக்கியமான நீண்ட எதிர்காலத்திற்கு வாழ்க்கைத்துணை மிகவும் முக்கியம் என்று கூறுகின்றனர் ஆராய்ச்சியாளர்கள். 

ADVERTISEMENT

ஒருவரது வாழ்க்கையில் நம்பிக்கையான துணைவர் இருந்தால் அவர் வாழ்க்கையில் எதனையும் எதிர்த்து போரிடலாம் என்கின்றனர். வாழ்க்கைத்துணையான கணவனோ அல்லது மனைவியோ உடல் ஆரோக்கியத்துடன், மகிழ்ச்சியுடன் இருக்கும்போது அது துணைவரின் வாழ்க்கையிலும் நேர்மறையான பல்வேறு தாக்கத்தை ஏற்படுத்துகிறது. 

உதாரணமாக, நம்முடைய வாழ்க்கைத்துணை ஒரு கெட்டபழக்கத்தை கைவிடும்பட்சத்தில், நாமும் அதனை விட முயற்சிப்போம். அதேபோன்று நாம் சோகமாக இருக்கும்போது, வாழ்க்கைத்துணைவர் மகிழ்ச்சியாக இருப்பதைப் பார்க்கும்போது, அன்பின் மிகுதியால் நம்முடைய மனதிலும் தானாகவே புத்துணர்ச்சி எழுகிறது. 

அல்சைமர் அல்லது டிமென்ஷியா உள்ளிட்ட நோய்களினால்  பாதிக்கப்பட்டோரும் அந்த நோய்களில் இருந்து மீண்டுவர வேண்டுமெனில் அவர்களுக்கான வாழ்க்கைத்துணை அருகில் இருக்க வேண்டும். இவ்வாறான ஒரு வாழ்க்கை மிகவும் ஆரோக்கியமான, மகிழ்ச்சியான நீண்ட வாழ்க்கையைத் தருகிறது. 

அமெரிக்கப் பல்கலைக்கழகத்தைச் சேர்ந்த ஆராய்ச்சியாளர்கள் மேற்கொண்ட இதுகுறித்த ஆய்வில் 4500 தம்பதியினர் கலந்துகொண்டனர். சுமார் எட்டு ஆண்டுகள் நடத்தப்பட்ட இந்த ஆய்வின் முடிவுகள் 'ஜர்னல் ஆஃப் பெர்சனாலிட்டி' என்ற இதழில் வெளியிடப்பட்டுள்ளது. குறிப்பிடத்தக்கது. 

ADVERTISEMENT
ADVERTISEMENT