தற்போதைய செய்திகள்

பெட்ரோல், டீசல் விலை தொடர்ந்து உயர்வு: மக்கள் வேதனை

29th May 2021 10:47 AM

ADVERTISEMENT

 

சென்னை:  சென்னையில் தொடர்ந்து பெட்ரோல், டீசல் விலை உயர்ந்து வருவது மக்களிடையே வேதனையை ஏற்படுத்தியுள்ளது. மே மாதத்தில் மட்டும் 15 முறை பெட்ரோல், டீசல் விலை உயர்த்தப்பட்டுள்ளது. 

கடந்த 2017 ஆம் ஆண்டு ஜூன் 17 முதல் சர்வதேச விலை நிலவரத்துக்கு ஏற்ப பெட்ரோல் மற்றும் டீசல் விலையை நாள்தோறும் மாற்றியமைத்து விற்பனை செய்ய எண்ணெய் நிறுவனங்களுக்கு மத்திய அரசு அனுமதி அளித்தது. அதன்படி, பொதுத்துறை நிறுவனங்களான இந்தியன் ஆயில், பாரத் ஹிந்துஸ்தான் பெட்ரோலியம் ஆகிய எண்ணெய் விநியோக நிறுவனங்கள் நாள்தோறும் எரிபொருள்களின் விலையை நிர்ணயிக்கின்றன. அதன்படி, காலை 6 மணி முதல் புதிய விற்பனை விலையில் பெட்ரோல் மற்றும் டீசல் விற்பனை செய்யப்பட்டு வருகிறது. 

இந்நிலையில், எண்ணெய் நிறுவனங்கள் சனிக்கிழமை(மே.29) வெளியிட்டுள்ள அறிவிப்பில், சென்னையில் பெட்ரோல் நேற்றைய விலையில் இருந்து லிட்டருக்கு 23 காசுகள், டீசல் லிட்டருக்கு 26 காசுகள் அதிகரித்துள்ளது. இதையடுத்து ஒரு லிட்டர் பெட்ரோல் ரூ.95.51 ஆகவும், ஒரு லிட்டர் டீசல் ரூ.89.65 ஆகவும் விற்பனை செய்யப்பட்டு வருகிறது.

ADVERTISEMENT

தலைநகர் தில்லியில் பெட்ரோல் ஒரு லிட்டர் ரூ.93.94ஆகவும், டீசல் ஒரு லிட்டர் ரூ.84.89 ஆகவும் விற்பனை செய்யப்படுகிறது. 

இதுபோன்று மும்பையில் பெட்ரோல் ஒரு லிட்டர் ரூ.100.19 ஆகவும், டீசல் ஒரு லிட்டர் ரூ.92.17 ஆகவும், கொல்கத்தாவில் பெட்ரோல் ஒரு லிட்டர் ரூ.93.97 ஆகவும், டீசல் ஒரு லிட்டர் ரூ.87.74 ஆகவும் விற்பனை செய்யப்படுகிறது. 

கரோனா தொற்றுறின் இரண்டாவது அலையின் வேகத்திலேயே பெட்ரோல், டீசல் எரிப்பொருள்களின் விலையும் அதிகரித்து வருவது வாகன ஓட்டிகள், வணிகர்கள், மக்களிடையே வெறுப்பையும், வேதனையையும் ஏற்படுத்தியுள்ளது. 

பெட்ரோல், டீசல் உற்பத்தி விலை அதற்கு விதிக்கப்படும் விலையில் மூன்றில் ஒரு பங்குதான் என்றும், மீதம் இருப்பது மத்திய , மாநில அரசுகளின் வரிகளே என்று கூறப்படுகிறது.  இதையடுத்து மத்திய, மாநில அரசுகள் விதிக்கும் வரிகளை குறைக்க முன் வரவேண்டும் என்று அனைத்து தரப்பினரும் கோரிக்கை வைத்துள்ளனர். 

Tags : Diesel Price petrol price
ADVERTISEMENT

MORE FROM THE SECTION

ADVERTISEMENT