தற்போதைய செய்திகள்

சேலம் மாவட்ட கிரிக்கெட் அணிக்கு வீரர்கள் தேர்வு

DIN

வாழப்பாடி: சேலம் மாவட்டம் வாழப்பாடி அருகே உள்ள சேஷன்சாவடி சேலம் கிரிக்கெட் பவுண்டேஷன் கிரிக்கெட் மைதானத்தில், சேலம் மாவட்ட அணிக்கு (16 வயதுக்கு உள்பட்டோர்) வீரர்கள் தேர்வு முகாம் வெள்ளிக்கிழமை  நடைபெற்றது.

சேலம் மாவட்டம் வாழப்பாடி அருகே காட்டுவேப்பிலைப்பட்டி ஊராட்சி சேஷன்சாவடி கிராமத்தில், சேலம் கிரிக்கெட் பவுண்டேசன் வாயிலாக, தமிழகத்தில் மிகப்பெரிய அளவில் கிரிக்கெட் மைதானம் அமைந்துள்ளது.

இந்த மைதானத்தில், சேலம் மாவட்ட கிரிக்கெட் சங்கம் சார்பில், 16 வயதுக்கு உள்பட்டோருக்கான சேலம் மாவட்ட கிரிக்கெட் அணிக்கு வீரர்கள் தேர்வு முகாம் வெள்ளிக்கிழமை நடைபெற்றது.

இந்த முகாமில், மாவட்டத்தின் பல்வேறு பகுதியில் இருந்து, கிரிக்கெட் விளையாட்டில் ஆர்வம் கொண்ட 16 வயதுக்குட்பட்ட  நூற்றுக்கும் மேற்பட்ட மாணவர்கள் ஆர்வத்தோடு கலந்து கொண்டனர். காலை 8 மணிக்கு தொடங்கிய வீரர்களுக்கான பெயர் பதிவு, 10 மணி வரை தொடர்ந்தது.

இதனையடுத்து சான்றிதழ்கள் சரிபார்ப்புக்குப் பிறகு, வீரர்களை தேர்வு செய்யும் போட்டிகள் நடைபெற்றது. தகுதி வாய்ந்த வீரர்களை தேர்வு செய்து, சேலம் மாவட்ட அணியில் சேர்ப்பதற்கான ஏற்பாடுகளை சேலம் மாவட்ட கிரிக்கெட் சங்கத்தினர் மற்றும் சேலம் கிரிக்கெட் பவுண்டேஷன் அமைப்பினர் செய்து வருகின்றனர்.  

இந்த கிரிக்கெட் வீரர்கள் தேர்வு முகாமை காண, பல்வேறு பகுதிகளில் இருந்து கிரிக்கெட் ஆர்வலர்கள் ஏராளமானோர் கிரிக்கெட் மைதானத்தில் குவிந்தனர்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

சேலையில் ஒரு சித்திரம்...அனிகா!

நமது வாழ்க்கையப் பற்றி சிந்திக்காத பாஜகவிற்கு வாக்களிக்கக் கூடாது: சீமான் பேச்சு

ஆம் ஆத்மியின் தேர்தல் வியூகத்தை பாஜக அறிய விரும்புகிறது: அதிஷி குற்றச்சாட்டு

"பாஜக தவறு செய்தால் நாங்கள் கேட்போம்”: எடப்பாடி பழனிசாமி

நிச்சயதார்த்தம் உண்மைதான்: புகைப்படங்களை வெளியிட்ட சித்தார்த் - அதிதி ராவ்!

SCROLL FOR NEXT