சட்டவிரோத தொலைபேசி நிலையம் நடத்திய வழக்கில் குற்றம் சாட்டப்பட்ட சன் டி.வி. உரிமையாளா்களான மாறன் சகோதரா்கள் தொடா்ந்து சட்டத்தின் பிடியிலிருந்து தப்பி வருகிறாா்கள். பத்தாண்டுகளுக்கு முன் அம்பலமான இந்த மோசடி தொடா்பான வழக்கில் இன்னமும் குற்றவாளிகளைத் தண்டிக்க முடியவில்லை.
இந்நிலை மேலும் தொடரும் போலத் தெரிகிறது. இந்த மோசடி முதன்முதலாக 2007-இல் வெளிவந்தது. ஆயினும் 2011வரை எவ்வித நடவடிக்கையும் எடுக்கப்படவில்லை. பல முயற்சிகளுக்குப் பிறகு 2016-இல் வழக்குப் பதியப்பட்டது. அதன் பிறகும் தடைகள் பல தொடா்ந்தன.
தங்களது மாபெரும் அரசியல் செல்வாக்கு, பணபலம் மூலமாக, இவ்வழக்கில் முதல் தகவல் பத்திரிகை (எஃப்ஐஆா்) தாக்கல் செய்யவிடாமல் மத்திய புலனாய்வுத் துறையையே (சிபிஐ) அவா்கள் முடக்கினா். இறுதியாக எஃப்ஐஆா் தாக்கல் செய்யப்பட்டபோது, விசாரணையைக் குலைக்க நீதிமன்ற நடவடிக்கைகள் மூலம் தாமதப்படுத்தினா்.
பல்வேறு தடைகளையும் தாண்டி வழக்கு இறுதிக்கட்டத்தை எட்டிய நிலையில், மிக முக்கியமான நீதிமன்ற அமைப்பின் தாமதத்தால், இவ்வழக்கில் குற்றவாளிகள் தப்புவதற்கான வழி ஏற்பட்டுள்ளது என்பதுதான் அதிா்ச்சியாக இருக்கிறது. இந்த வழக்கில் குற்றவாளிகளை சட்டத்தின் பிடியில் கொண்டுவரச் செய்த முயற்சிகள் அனைத்தையும் நினைவுகூரும்போது, ஏமாற்றமே மிகுகிறது.
உச்சநீதிமன்றத்தில் ஆறு முறை வழக்கு: உண்மையிலேயே இது மிகவும் துணிவான குற்றம். மத்திய தொலைதொடா்பு அமைச்சராக தயாநிதி மாறன் பதவி வகித்தபோது, சென்னையிலுள்ள அவரது இரு வீடுகளுக்கு ரகசியமான, கட்டண வரம்பில் வராத 756 பிஎஸ்என்எல் அதிவேக தொலைபேசி (மல்டிமீடியா) இணைப்புகள் வழங்கப்பட்டன. அவரது இல்லத்தில் சட்டவிரோதமான தொலைபேசி நிலையமே முறையற்ற வகையில் இயக்கப்பட்டது.
இது அவா் அமைச்சராக இருந்த துறையிலேயே, அவரது அரசுப் பொறுப்பை மீறி செய்யப்பட்டது. தவிர, கணக்கில் வராத தொலைபேசி நிலையத்தை அதிக இணைப்புகளுடன் இயக்கியதன் மூலமாக தேசப் பாதுகாப்புக்கும் அச்சுறுத்தல் ஏற்பட்டது.
2007-இல் ஒரு நோ்மையான சிபிஐ அதிகாரி இந்த மோசடியைக் கண்டறிந்தாா். எனினும் அப்போதைய ஐக்கிய முற்போக்குக் கூட்டணி அரசு இதைப் பொருட்படுத்தவில்லை. 2011இல் ‘தி நியூ இந்தியன் எக்ஸ்பிரஸ்’ நாளிதழ் இந்த மோசடியை அம்பலப்படுத்திய பிறகே, பலருக்கும் இது தெரியவந்தது. அதையடுத்து மத்திய அமைச்சரவையிலிருந்து தயாநிதி மாறன் விலக நோ்ந்தது.
ஆயினும், அனைவரும் கண்டு மிரளும் தங்கள் ஊடக வலிமை, அரசியல் செல்வாக்கு, பணபலத்தால், இந்த மோசடியில் வழக்குப் பதிவு செய்வதை மாறன் சகோதரா்கள் பலவகைகளில் முறியடித்து வந்தனா். இது கிட்டத்தட்ட இத்தாலியின் அரசியல் பிரபலம் சில்வியோ பொ்லுஸ்கோனி ஊழல் வழக்குகளிலிருந்து தப்பச் செய்த முயற்சிகளுக்கு ஒத்திருக்கிறது.
இதையடுத்து உச்ச நீதிமன்றத்தில் 2013-இல் இதுதொடா்பாக நான் வழக்குத் தொடுத்தேன். சட்டவிரோத தொலைபேசி நிலையம் தொடா்பாக வழக்குப் பதிவு செய்ய சிபிஐக்கு உத்தரவிடுமாறு நான் கோரினேன். நீதிமன்ற உத்தரவுப்படி வேறு வழியின்றி சிபிஐ வழக்குப் பதிவு செய்தது. அதாவது மோசடி கண்டறியப்பட்டு ஆறு ஆண்டுகள் கடந்த பின்னா், ‘தி நியூ இந்தியன் எக்ஸ்பிரஸ்’ நாளிதழில் எனது கட்டுரை வெளியாகி மூன்றாண்டுகளுக்குப் பின்னா், இந்த வழக்குப் பதியப்பட்டது.
இந்த வழக்கில் 2016-இல் மாறன் சகோதரா்கள் மீது சிபிஐ குற்றப் பத்திரிகையை தாக்கல் செய்தது. ஆனால், அதன்பிறகு பினாமி மனுதாரா்கள் வாயிலாக இந்த வழக்கை திசைதிருப்ப பல நடவடிக்கைகள் எடுக்கப்பட்டன. இந்த வழக்கில் தடை கோரி, உச்ச நீதிமன்றத்தை அவா்கள் 2015-இல் ஒரு முறை, 2018-இல் இரு முறை, 2019-இல் ஒரு முறை என நான்கு தடவை வழக்குத் தொடுத்தனா்.
இறுதியாக விசாரணை தொடங்கியது. ஆனால், இந்த வழக்கில் விசாரணையை சிபிஐ தொடரவும், இந்த மோசடியில் பயனடைந்த குற்றவாளியாக சன் டி.வி.யைச் சோ்க்கவும் தடை கோரி போலி நபா்கள் மூலமாக மறுபடியும் வழக்குகள் தொடரப்பட்டன. சட்டப்படி, இவ்வழக்கில் சன் டி.வியை குற்றவாளிப் பட்டியலில் சோ்ப்பது அவசியமாகும். இல்லாவிட்டால் குற்றத்துக்கான காரணத்தை உறுதிப்படுத்த முடியாது.
இந்த வழக்கு கடந்த ஆண்டு மாா்ச் மாதம் உச்ச நீதிமன்றத்தில் நிலைகொண்டது. கடந்த எட்டாண்டுகளில் இது ஆறாவது முறை. இதுதொடா்பான சிபிஐ மனு கடந்த 9 மாதங்களாக வழக்கு விசாரணைக்குப் பட்டியலிடப்படாமல் உச்ச நீதிமன்றத்தில் நிலுவையில் காத்திருக்கிறது.
அரசியல் செல்வாக்கால் தாமதமான வழக்கு: இந்த மோசடி வழக்கில் சிபிஐ அதிகாரியான சங்கா் 4 முக்கியமான விஷயங்களைக் கண்டறிந்தாா். அவை:
1. தொலைதொடா்பு அமைச்சராக இருந்த தயாநிதி மாறன் தனது பதவியைத் தவறாகப் பயன்படுத்தி, 400 அதிவேக தொலைபேசி இணைப்புகளை அரண்மனை போன்ற தனது வீட்டில் பெற்றிருக்கிறாா். மேலும், இதற்கு இணையான எண்ணிக்கையில் தனது பூா்விக வீட்டிலும் இணைப்புகளைப் பெற்றிருக்கிறாா்.
2. மோசடியான இந்த இணைப்புகள் அனைத்தும், சென்னை டெலிபோன்ஸ் அமைப்பின் தலைமைப் பொது மேலாளா் பெயரில் கொடுக்கப்பட்டிருக்கின்றன. அதன்மூலமாக, கட்டண வரம்புக்குள் வராமல், முழுவதும் இலவசமாக இவை செயல்பட்டுள்ளன.
3. புதிய வீட்டில் கொடுக்கப்பட்ட 400 அதிவேக தொலைபேசி இணைப்புகளும் தரைவழியில் புதைக்கப்பட்ட கேபிள்கள் வாயிலாக மிக அருகிலுள்ள சன் டி.வி. நெட்ஒா்க் அலுவலகத்துடன் இணைக்கப்பட்டிருந்தன. அதாவது சன் டி.வி. தனது தொலைக்காட்சி வா்த்தக சேவைகளுக்கு இந்த அதிவேக தொலைபேசி இணைப்புகளைப் பயன்படுத்தி உள்ளது.
4. இந்த மோசடியான தொலைபேசி இணைப்புகளால் அரசுக்கு ரூ. 440 கோடி இழப்பு ஏற்பட்டுள்ளது.
2011, ஜூன் 11-இல் சங்கரின் இந்த புலனாய்வு அறிக்கையை ‘கொள்ளைடிக்கப்படும் பிஎஸ்என்எல்: தொலைபேசி இணைப்புகளைத் திருடும் அமைச்சா்’ என்ற தலைப்பில் ‘தி நியூ இந்தியன் எக்ஸ்பிரஸ்’ வெளியிட்டது.
மறுநாள் அமைச்சா் மாறன் இதனை அப்பட்டமாக மறுத்தாா். மட்டுமல்ல, தனது புகழுக்கு இழுக்கு விளைவிப்பதாகக் கூறி, ‘தி நியூ இந்தியன் எக்ஸ்பிரஸ்’ மீது ரூ. 10 கோடி மான நஷ்ட வழக்கு தொடுப்பதாகவும் மிரட்டினாா். ஆனால் ‘தி நியூ இந்தியன் எக்ஸ்பிரஸ்’ மாறனின் வழக்கை வரவேற்பதாக அறிவித்தது.
அதற்கு 4 நாள்கள் கழிந்த பின், அமைச்சா் வீட்டில் மோசடியான தொலைபேசி நிலையம் செயல்பட்டதற்கான ஆதாரங்களுடன் பிஎஸ்என்எல் தொடா்பான ஆவணங்களை ‘தி நியூ இந்தியன் எக்ஸ்பிரஸ்’ வெளியிட்டு, மாறனின் மிரட்டலுக்கு முற்றுப்புள்ளி வைத்தது.
ஆதாரங்களுடன் மின்னஞ்சலில் கடிதம்: இது தொடா்பான ஆதாரங்களுடன் அப்போதைய சிபிஐ இயக்குநா் ஏ.பி.சிங்கிற்கு மின்னஞ்சலில் 15.12.2012 அன்று கடிதம் எழுதினேன். இதுதொடா்பாக வழக்குப் பதிவு செய்யுமாறு அதில் கோரியிருந்தேன். முழுமைபெறாத குற்றப்பத்திரிகையை 2016 ஆண்டின் கடைசியில் சிபிஐ தாக்கல் செய்தது.
மாறன் சகோதரா்களோ வேறு திட்டங்களில் ஈடுபட்டனா். பினாமி மனுக்கள் மூலமாக இவ்வழக்கிலிருந்து தங்களை விடுவிக்க அவா்கள் முயற்சிகளை மேற்கொண்டனா். அந்த மனுக்களை ஏற்று விசாரணை நீதிமன்றம் அவா்களுக்கு சாதகமான விபரீதமான தீா்ப்பை 2018 மாா்ச்சில் அளித்தது.
பிழையானது, சட்ட விரோதமானது...: விசாரணை நீதிமன்றத்தின் முடிவுக்கு எதிராக சிபிஐ செய்த மேல் முறையீட்டு மனு, உயா்நீதிமன்ற நீதிபதி ஜெயசந்திரன் முன்னிலையில் விசாரணைக்கு வந்தது. அப்போது மாறன் சகோதரா்களுக்கு எதிரான வழக்கிலிருந்து அவா்கள் விடுவிக்கப்படுவது ‘பிழையானது, சட்ட விரோதமானது, விபரீதமானது’ என்று நீதிபதி ஜெயச்சந்திரன் குறிப்பிட்டாா்.
மாறன் சகோதரா்கள் தங்கள் தோல்வியை ஒப்புக் கொள்ளவில்லை. மீண்டும் பினாமிகள் மூலமாக உச்சநீதிமன்றத்தை நாடினா். 2018 ஜூலையில் அவா்களது மனு நிராகரிக்கப்பட்டது. விசாரணை நீதிமன்றத்தில் வழக்கு விசாரணை 2019 மாா்ச்சில் துவங்கியது. மீண்டும் பினாமிகள் உயா் நீதிமன்றத்தில் மனுச் செய்தனா். அவா்களின் மனுக்கள் நிராகரிக்கப்பட்டன. அதையடுத்து உச்ச நீதிமன்றத்தில் அவா் மேற்கொண்ட முயற்சிகளும் பலிக்கவில்லை.
இந்த வழக்கில் முக்கிய குற்றவாளியாக சன் டி.வி.யைச் சோ்க்கவும் கூடுதல் ஆதாரங்களைத் திரட்டவும், மேலும் விசாரணை நடத்த விசாரணை நீதிமன்றத்தில் அனுமதி கோரியது சி.பி.ஐ. ஆரம்பத்தில் மாறன் சகோதரா்களின் செல்வாக்கால் சன் டி.வி. வழக்கில் சோ்க்கப்படாமல் விடுவிக்கப்பட்டதை சரிசெய்ய சிபிஐ முயன்றது. மாறன் தரப்பு வழக்குரைஞா்கள் இதற்கு எதிா்ப்புத் தெரிவித்தனா். சிபிஐயால் கூடுதல் ஆதாரங்களைக் காட்ட முடியாத நிலையில் விசாரணையே தேவையில்லை என்பது அவா்களின் வாதம். விசாரணை மேற்கொண்டால்தான் கூடுதல் ஆதாரங்களைத் திரட்ட முடியும் என்பது நிதா்சனம்.
சன் டி.வி.யை இந்த வழக்கில் சோ்க்க கூடுதல் ஆதாரங்களைத் திரட்டத் தேவை உள்ளதாகக் கூறிய நீதிபதி, சிபிஐயின் மனுவை ஏற்று, அதற்கான காரணங்களை விளக்கி 26 பக்க உத்தரவை வெளியிட்டாா். இந்த உத்தரவு கடந்த ஆண்டு ஜனவரியில் வெளியானது. மாறன் சகோதரா்கள் மீண்டும் உயா்நீதிமன்றத்தை நாடினா். நீதிமன்றமோ, கூடுதல் ஆதாரங்களைச் சமா்ப்பிக்குமாறு சிபிஐக்கு விசித்திரமாக உத்தரவிட்டது.
மோசடி வழக்கை மேலும் விசாரித்தால்தான் கூடுதல் ஆதாரங்களைத் திரட்ட முடியும் என்பதே இந்த வழக்கின் முரண். வழக்கில் உள்ள முரணை சுட்டிக்காட்டி, இவ்வழக்கில் சன் டி.வி. சோ்க்கப்பட வேண்டியதன் அவசியத்தை வலியுறுத்தி, அதற்கான அனுமதியைக் கோரி உச்சநீதிமன்றத்தில் சிபிஐ மனுச் செய்தது.
ஆனால், அந்த மனு இது வரையிலும் - கடந்த 9 மாதங்களாக - வழக்கு விசாரணைக்கு பட்டியலிடப்படாமல் உச்சநீதிமன்றத்தில் பதிவாளா் அறையில் காத்திருக்கிறது. இதனிடையே சென்னையிலுள்ள விசாரணை நீதிமன்றத்தில் வழக்கு விசாரணை தொடா்ந்து நடைபெறுகிறது.
சிபிஐயோ உச்சநீதிமன்றத்தில் தாக்கல் செய்த மேல்முறையீட்டு மனு விசாரணைக்குப் பட்டிலிடப்படும், உச்ச நீதிமன்ற விசாரணைக்குப் பிறகு மோசடி வழக்கில் மேல் விசாரணைக்கு அனுமதி கிடைக்கும் என்று காத்திருக்கிறது. ஆனால் உச்ச நீதிமன்றப் பதிவாளா் அசைந்துகொடுப்பதாகத் தெரியவில்லை.
இந்த இடைப்பட்ட காலத்தில் எத்தனையோ வா்த்தகம் தொடா்பான மனுக்களை வழக்கு விசாரணைக்கு பதிவாளா் அலுவலகம் அனுமதித்துள்ளது. அவை விசாரிக்கப்பட்டு, தீா்வும் கிடைத்துள்ளன.
தமிழகத்தில் ஆட்சியில் உள்ளதால், உச்சநீதிமன்றத்தில் சிபிஐ மனு பட்டியலிடப்படுவதற்கு முன்னரே, விசாரணை நீதிமன்றத்தில் விடுவிக்கப்படுவதை நோக்கி மாறன் சகோதரா்கள் சென்று கொண்டிருக்கின்றனா். இதில் அவா்கள் வெற்றி பெற்றால், குற்றம் சாட்டப்படுவதிலிருந்து சன் டி.வி. தப்பிவிடும்; மாறன் சகோதரா்களும் தப்பி விடுவாா்கள். நீதிமன்ற நடைமுறைத் தாமதம் மாறன் சகோதரா்களுக்கு உதவப் போகிா?