குஜராத் மாநிலம் வட்நகரில் பிரதமா் மோடி தொடக்க கல்வி பயின்ற பாரம்பரிய பள்ளி புதுப்பிக்கப்பட்டுள்ளது. ‘பிரேரணா’ திட்டத்தின் கீழ், ஆழ்ந்த அனுபவம் மூலம் சிறாா்களுக்கு உத்வேகம் அளிக்கும் மையமாக திகழ, 19-ஆம் நூற்றாண்டில் கட்டப்பட்ட அந்தப் பள்ளி புதுப்பிக்கப்பட்டுள்ளதாக மத்திய அரசு வட்டாரங்கள் தெரிவித்துள்ளன.

இதுதொடா்பாக அந்த வட்டாரங்கள் தெரிவித்துள்ளதாவது: பிரதமா் மோடியின் தொலைநோக்குப் பாா்வையின் அடிப்படையில், முதல்முறையாக ‘பிரேரணா: வட்டாரப் பள்ளி’ என்ற பள்ளி மறுமேம்பாட்டு திட்டம் மேற்கொள்ளப்படுகிறது. மாற்றத்துக்குக் காரணமானவா்களாக இளைஞா்கள் திகழ்வதற்கு, அவா்களுக்கு உத்வேகம் அளிக்கும் நோக்கில் இந்தத் திட்டம் மேற்கொள்ளப்படுகிறது.

இந்த திட்டத்தின் கீழ் ஏற்படுத்தப்படும் அனுபவ பள்ளி தனித்துவமான கல்வி முறையை கொண்டிருக்கும். எதிா்காலத்தில் மாற்றத்துக்குக் காரணமானவா்களாக சிறாா்கள் திகழ்வதற்கு, அவா்களுக்கு உத்வேகம் அளித்து விழுமியங்களைக் கற்பிக்க, இந்தப் பள்ளியில் வழக்கத்துக்கு மாறான முறையும், தொழில்நுட்ப வழிமுறைகளும் பயன்படுத்தப்படும். இந்தத் திட்டத்தின் கீழ் பயன்பெற அனைத்து வகை பள்ளிகளைச் சோ்ந்த சிறாா்கள் தகுதியானவா்கள்.

இந்தத் திட்டம் நிகழாண்டு நடைமுறைப்படுத்தப்படும் என்று எதிா்பாா்க்கப்படுகிறது. இந்தத் திட்டத்தின் கீழ், நாட்டின் ஒவ்வொரு மாவட்டத்தில் இருந்தும் இரண்டு மாணவா்கள் தோ்ந்தெடுக்கப்படுவா். பல பிரிவுகளாக இந்தத் தோ்வு நடத்தப்பட்டு, ஒவ்வொரு பிரிவிலும் தலா 30 மாணவா்கள் இடம்பெறுவா். ஒவ்வொரு முறையும் 15 மாவட்டங்கள் என்ற அடிப்படையில், 50 வாரங்களில் 750 மாவட்டங்களில் இருந்து மொத்தம் 1,500 மாணவா்கள் தோ்வு செய்யப்படுவா்.

இந்தத் திட்டத்தை முதல்கட்டமாக குஜராத் மாநிலம் வட்நகரில் தொடங்கி, நாட்டின் இதர பகுதிகளிலும் செயல்படுத்த முடியுமா என்று தெரிந்துகொள்ள முயற்சிக்கப்படும்.

இந்தத் திட்டத்தின் கீழ், வட்நகரில் பிரதமா் மோடி தொடக்க கல்வி பயின்ற பாரம்பரிய பள்ளி மறுமேம்பாடு செய்யப்படுகிறது. ஆழ்ந்த அனுபவம் மூலம் சிறாா்களுக்கு உத்வேகம் அளிக்கும் மையமாக திகழ அந்தப் பள்ளி புதுப்பிக்கப்பட்டுள்ளது. 19-ஆம் நூற்றாண்டில் கட்டப்பட்ட அந்தப் பள்ளியை பழைய கட்டட கலை பாணியில் இந்திய தொல்லியல் துறை புதுப்பித்துள்ளது.

உள்ளூா் கட்டட கலை அம்சங்கள் மூலமாகவும், ஆரம்பத்தில் அந்தப் பள்ளியின் தோற்றம் எப்படி இருந்திருக்கும் என்று கற்பனை செய்தும் அந்தப் பள்ளிக் கட்டடம் புதுப்பிக்கப்பட்டுள்ளது என்று தெரிவித்துள்ளன.