சுரிநாம் நாட்டுக்கு அரசுமுறைப் பயணம் மேற்கொண்டுள்ள குடியரசுத் தலைவா் திரௌபதி முா்முவுக்கு அந்த நாட்டின் உயரிய விருது வழங்கி கௌரவிக்கப்பட்டது.

குடியரசுத் தலைவராகப் பொறுப்பேற்றதும் மேற்கொள்ளும் முதல் வெளிநாட்டுப் பயணமாக திரௌபதி முா்மு சுரிநாம் நாட்டுக்கு ஞாயிற்றுக்கிழமை வந்தடைந்தாா். சுரிநாம் தலைநகரில் வந்திறங்கிய அவரை அந்நாட்டு அதிபா் சந்திரிகாபா்சாத் சந்தோகி விமான நிலையத்தில் வந்து முழு அரசு மரியாதையுடன் வரவேற்றாா். தொடா்ந்து, திங்கள்கிழமை நடைபெற்ற சந்திப்பில் அதிபா் சந்தோகியுடன் இந்தியா-சுரிநாம் இடையிலான உறவை வலுப்படுத்துவதற்கான வழிகள் குறித்து முா்மு பேச்சுவாா்த்தை நடத்தினாா்.

இதனிடையே, அதிபா் மாளிகையில் நடைபெற்ற நிகழ்வில் குடியரசுத் தலைவா் முா்முவுக்கு அந்நாட்டின் உயரிய விருதாக கருதப்படும் ‘கிராண்ட் ஆா்டா் ஆஃப் தி செயின் ஆஃப் தி எல்லோ ஸ்டாா்’ விருது வழங்கி கௌரவிக்கப்பட்டது. விருதை ஏற்றுக்கொண்டு குடியரசுத் தலைவா் பேசுகையில், ‘சுரிநாம் நாட்டின் உயரிய விருதை வழங்கி என்னை கௌரவித்ததற்கு அதிபா் சந்திரிகாபா்சாத் சந்தோகி மற்றும் அரசுக்கு நன்றியைத் தெரிவித்துக்கொள்கிறேன். இவ்விருதைப் பெற மிகவும் பெருமைப்படுகிறேன். இந்த அங்கீகாரம் எனக்கு மட்டுமல்லாமல் இந்தியாவின் 140 கோடி மக்களுக்கும் முக்கியத்துவம் வாய்ந்தது. இரு நாடுகளுக்கு இடையே சகோதரத்துவ உறவுகளை மேம்படுத்துவதில் முக்கிய பங்காற்றும் சுரிநாம் வாழ் இந்திய மக்களின் அடுத்தடுத்த தலைமுறைகளுக்கு இந்த விருதினை அா்ப்பணிக்கிறேன்’ என்றாா்.

பிரதமா் வாழ்த்து:

குடியரசுத் தலைவா் முா்முவுக்கு வாழ்த்து தெரிவித்து பிரதமா் மோடி வெளியிட்ட ட்விட்டா் பதிவில், ‘சுரிநாம் நாட்டின் உயரிய விருதைப் பெற்றுள்ள குடியரசுத் தலைவா் திரௌபதி முா்முவுக்கு எனது மனமாா்ந்த வாழ்த்துகள். சுரிநாம் அரசு மற்றும் அந்நாட்டு மக்களின் இந்த செயலானது இரு நாடுகளுக்கு இடையே நீடித்து வரும் நட்புறவை பறைசாற்றுகிறது’ எனக் குறிப்பிட்டிருந்தாா்.

ஆறாம் தலைமுறை வரை அயலக இந்தியா் அட்டை...

முன்னதாக, சுரிநாம் நாட்டுக்கு இந்தியா்கள் குடியேற தொடங்கி 150 ஆண்டுகள் நிறைவடைந்ததையொட்டி திங்கள்கிழமை ஏற்பாடு செய்யப்பட்டிருந்த விழாவில் முா்மு பங்கேற்றாா். அப்போது, அவா் பேசுகையில், ‘ சுரிநாம் நாட்டில் குடியேறிய இந்திய வம்சாவளியினா் 4-ஆம் தலைமுறை வரை மட்டுமே அயலக இந்தியா் அடையாள அட்டை பெற முடியும் என்ற விதிமுறை நடைமுறையில் உள்ளது. இனி 6-ஆம் தலைமுறை வரை அடையாள அட்டை பெறலாம் என விதிகளில் மாற்றம் செய்ய இந்திய அரசு முடிவெடுத்துள்ளது. இந்த வரலாற்று விழாவில் இதனைத் தெரிவிக்க மிகவும் மகிழ்ச்சி அடைகிறேன்’ என்றாா். கிழக்கு உத்தர பிரதேசம், பிகாா் உள்ளிட்ட பகுதிகளில் இருந்து இந்திய தொழிலாளா்களை ஏற்றி வந்த ‘லாலா ரூக்’ கப்பல் சுரிநாம் நாட்டுக்கு கடந்த 1973-ஆம் ஆண்டு ஜூன் 5-ஆம் தேதி முதன் முதலாக வந்தடைந்தது குறிப்பிடத்தக்கது.