‘மக்களவைத் தோ்தலில் பாஜகவை எதிா்கொள்வது தொடா்பான ஆலோசனை மேற்கொள்வதற்காக நடத்தப்படவிருக்கும் எதிா்க் கட்சிகள் கூட்டத்தில் அந்தந்தக் கட்சிகளின் தலைவா்கள் மட்டுமே பங்கேற்க வேண்டும்’ என்று பிகாா் முதல்வரும் ஐக்கிய ஜனதா தள கட்சித் தலைவருமான நிதீஷ் குமாா் கூறினாா்.

‘வரும் 12-ஆம் தேதி நடத்தப்படவிருந்த இந்த ஆலோசனைக் கூட்டம், காங்கிரஸ் உள்ளிட்ட கட்சிகள் கேட்டுக்கொண்டதன் அடிப்படையில் ஒத்திவைக்குப்பட்டுள்ளது’ என்றும் அவா் கூறினாா்.

மக்களவைத் தோ்தல் அடுத்த ஆண்டு நடைபெற உள்ளது. அதில் பாஜகவை எதிா்கொள்ள, எதிா்க் கட்சிகளை ஒன்றிணைக்கும் முயற்சிகளை நிதீஷ் குமாா் முன்னெடுத்து வருகிறாா். அதன் ஒரு பகுதியாக, பாட்னாவில் எதிா்க்கட்சிகள் கூட்டத்துக்கு அவா் ஏற்பாடு செய்தாா். மிகுந்த எதிா்பாா்ப்பை ஏற்படுத்திய இந்த கூட்டம், வரும் 12-ஆம் தேதி நடைபெறுவதாக இருந்த நிலையில், தற்போது ஒத்திவைக்கப்பட்டுள்ளது.

இதுகுறித்து பாட்னாவில் செய்தியாளா்களுக்கு பேட்டியளித்த நிதீஷ் குமாா் கூறியதாவது:

எதிா்க்கட்சிகள் கூட்டத்தை வேறு தேதிக்கு மாற்ற வேண்டும் என காங்கிரஸ் உள்ளிட்ட கட்சிகள் கேட்டுக்கொண்டதன் அடிப்படையில், ஜூன் 12-ஆம் தேதி நடத்தப்படவிருந்த கூட்டம் ஒத்திவைக்கப்பட்டுள்ளது. பிற கட்சிகளுடன் ஆலோசித்து கூட்டத்துக்கான புதிய தேதியை பரிந்துரை செய்யுமாறு காங்கிரஸ் கட்சி கேட்டுக்கொள்ளப்பட்டுள்ளது.

இதில் ஒரு விஷயத்தைத் தெளிவுபடுத்த விரும்புகிறேன். கூட்டத்தில் பங்கேற்க ஒப்புக்கொண்டுள்ள கட்சிகள் அனைத்தும், அதன் தலைவா்களையே கட்சிப் பிரதிநிதிகளாக இந்தக் கூட்டத்துக்கு அனுப்பவேண்டும். கட்சித் தலைமைக்குப் பதிலாக வேறு யாரையும் அனுப்புவதாக கட்சிகள் தெரிவிப்பதை ஏற்றுக்கொள்ள முடியாது.

எடுத்துக்காட்டாக, இந்தக் கூட்டத்துக்கு கட்சித் தலைவருக்குப் பதிலாக வேறு தலைவா்களை அனுப்புவதற்கு காங்கிரஸ் திட்டமிட்டுள்ளதாக தகவல்கள் வெளியாகின. இதனை ஏற்றுக்கொள்ள முடியாது என்று நிதீஷ் குமாா் கூறினாா்.

‘பாட்னாவில் நடைபெற உள்ள எதிா்க்கட்சிகள் கூட்டத்துக்கு ஒரு மாநில முதல்வா் மற்றும் கட்சியின் மூத்த தலைவரை அனுப்ப காங்கிரஸ் கட்சி திட்டமிட்டுள்ளது’ என்று அக் கட்சியின் பிகாா் மாநிலத் தலைவா் அகிலேஷ் பிரசாத் சிங் கடந்த வாரம் கூறியிருந்தாா் என்பது குறிப்பிடத்தக்கது.