கனடாவுடன் வா்த்தக ஒப்பந்தத்தை ஏற்படுத்துவது தொடா்பான பேச்சுவாா்த்தையில் ஏற்பட்டுள்ள முன்னேற்றம் குறித்து அந்நாட்டு துணை பிரதமரும் நிதியமைச்சருமான கிறிஸ்டியா ஃப்ரீலண்டுடன் மத்திய நிதியமைச்சா் நிா்மலா சீதாராமன் ஆய்வு நடத்தினாா்.
ஜி20 நாடுகளின் நிதியமைச்சா்கள்-மத்திய வங்கி ஆளுநா்களுக்கான 3-ஆவது கூட்டம் குஜராத்தின் காந்திநகரில் ஞாயிற்றுக்கிழமை நடைபெற்றது. அதில் பங்கேற்பதற்காக வருகை தந்த கனடா நிதியமைச்சா் கிறிஸ்டியா ஃப்ரீலண்டுடன் நிா்மலா சீதாராமன் பேச்சுவாா்த்தை நடத்தினாா். இது தொடா்பாக மத்திய நிதியமைச்சகம் வெளியிட்ட ட்விட்டா் பதிவில், இந்தியாவின் கட்டமைப்புத் திட்டங்களில் முதலீடுகளை மேற்கொள்ள கனடா தயாராக உள்ளதாக அமைச்சா் நிா்மலா சீதாராமனிடம் நிதியமைச்சா் கிறிஸ்டியா உறுதியளித்தாா்.
முதலீட்டுக்கான சிறந்த வாய்ப்புகளை இந்தியா வழங்கி வருவதாகவும் அவா் தெரிவித்தாா். இந்தியாவுக்கும் கனடாவுக்கும் இடையே வா்த்தக ஒப்பந்தத்தை ஏற்படுத்துவதற்கான பேச்சுவாா்த்தைகள் நடைபெற்று வருகின்றன. அப்பேச்சுவாா்த்தைகளில் ஏற்பட்டுள்ள முன்னேற்றம் குறித்து இரு நாடுகளின் நிதியமைச்சா்களும் ஆய்வு செய்தனா்.
ஜி20 கூட்டமைப்பின் நிதிசாா் செயல்பாடுகளில் ஒத்துழைத்து இயங்குவது குறித்தும் அவா்கள் விவாதித்தனா்’ எனக் குறிப்பிடப்பட்டுள்ளது.
கட்டமைப்புக்கான முதலீடுகள் அவசியம்:
ஜி20 மாநாட்டுக்காக குஜராத்துக்கு வருகை தந்துள்ள ஆசிய கட்டமைப்பு முதலீட்டு வங்கியின் (ஏஐஐபி) தலைவா் ஜின் லிக்குனையும் நிதியமைச்சா் நிா்மலா சீதாராமன் ஞாயிற்றுக்கிழமை சந்தித்துப் பேசினாா்.
இது குறித்து மத்திய நிதியமைச்சகம் வெளியிட்ட ட்விட்டா் பதிவில், ’சா்வதேச பிரச்னைகளுக்குத் தீா்வு காண்பதற்கு பன்னாட்டு வளா்ச்சி வங்கிகளின் பங்களிப்பு குறித்து தலைவா்கள் விவாதித்தனா். ஏஐஐபி உறுப்பு நாடுகளில் கட்டமைப்பு மேம்பாட்டுத் திட்டங்களுக்குப் புதிய வழிகளில் முதலீடுகளை வழங்குவதற்கான நடவடிக்கைகளை முன்னெடுக்க வேண்டுமென ஜின் லிக்குனிடம் அமைச்சா் நிா்மலா சீதாராமன் வலியுறுத்தினாா்.
இந்தியாவின் ஜி20 தலைமைப் பொறுப்புக்கு ஏஐஐபி அளித்து வரும் ஆதரவுக்கு அமைச்சா் நிா்மலா சீதாராமன் நன்றி தெரிவித்தாா். பன்னாட்டு வளா்ச்சி வங்கிகளில் சீா்திருத்தங்களை மேற்கொள்வது தொடா்பாகவும் இருவரும் விவாதித்தனா். ஏஐஐபி வங்கியின் நிா்வாகம், உத்தரகண்ட், ஹிமாசல், உள்ளிட்ட மாநிலங்களில் ஏஐஐபி சாா்பில் மேற்கொள்ளப்பட்டு வரும் திட்டங்கள் உள்ளிட்டவை குறித்தும் தலைவா்கள் விவாதித்தனா்’ எனக் குறிப்பிடப்பட்டுள்ளது.