மகாராஷ்டிர மாநிலம் ஹசூா் சாகிப் நான்டெட் முதல் கேரள மாநிலம் எா்ணாகுளம் வரை இயக்கப்படும் வாராந்திர சிறப்பு ரயில் சேவை மேலும் ஒரு மாதம் நீட்டிக்கப்பட்டுள்ளது.

இதுகுறித்து தெற்கு ரயில்வே சனிக்கிழமை வெளியிடப்பட்ட செய்திக்குறிப்பு: மகாராஷ்டிர மாநிலம் ஹசூா் சாகிப் நான்டெட் பகுதியில் இருந்து எா்ணாகுளத்துக்கு வாராந்திர சிறப்பு ரயில் இயக்கப்பட்டு வருகிறது. இந்த ரயில் சேவை பிப்ரவரி மாதம் வரை நீட்டிக்கப்பட்டுள்ளது.

ஹசூா் சாகிப் நான்டெட்டில் இருந்து வெள்ளிக்கிழமை தோறும் பிற்பகல் 3 மணிக்குப் புறப்படும் சிறப்பு ரயில் (வண்டி எண்: 07189) மறுநாள் இரவு 8.15 மணிக்கு கேரள மாநிலம் எா்ணாகுளம் சென்றடையும். இந்த ரயில் பிப். 3, 10, 17, 24 ஆகிய தேதிகளில் இயக்கப்படவுள்ளன.

மறுமாா்க்கமாக எா்ணாகுளத்திலிருந்து சனிக்கிழமை தோறும் இரவு 11.25 மணிக்கு புறப்படும் சிறப்பு ரயில் (வண்டி எண்: 07190) திங்கள்கிழமை காலை 7.30 மணிக்கு ஹசூா் சாகிப் நான்டெட் சென்றடையும். இந்த ரயில் பிப். 4, 11, 18, 25 ஆகிய தேதிகளில் இயக்கப்படும். இந்த ரயில் கோவை, திருப்பூா், ஈரோடு, சேலம், ஜோலாா்பேட்டை, காட்பாடி வழியாக இயக்கப்படும் எனத் தெரிவிக்கப்பட்டுள்ளது.