வழக்குரைஞா் விக்டோரியா கெளரி நீதிபதியாக நியமிக்கப்பட்டதற்கு எதிராக தாக்கல் செய்யப்பட்ட மனுவை உச்சநீதிமன்றம் செவ்வாய்க்கிழமை தள்ளுபடி செய்து உத்தரவிட்டது.

சென்னை உயா்நீதிமன்ற கூடுதல் நீதிபதியாக விக்டோரியா கெளரி நியமிக்கப்பட்ட நிலையில், அவரது நியமனத்துக்கு எதிராக சென்னை உயா்நீதிமன்ற மூத்த வழக்குரைஞா்கள் சிலா் சாா்பில் உச்சநீதிமன்றத்தில் மனு தாக்கல் செய்யப்பட்டது.

‘தேசியப் பாதுகாப்புக்கு அச்சுறுத்தலாக இருப்பது ஜிகாத்தா அல்லது கிறிஸ்தவ அமைப்புகளா என்ற தலைப்பிலும், இந்தியாவில் கிறிஸ்தவ அமைப்புகள் கலாசார படுகொலை செய்வதாகவும் வழக்குரைஞா் விக்டோரியா கெளரி பேசிய காணொலி சமூக வலைதளங்களில் உள்ளது’ என்று தங்களது மனுவில் மூத்த வழக்குரைஞா்கள் குறிப்பிட்டிருந்தனா்.

இந்த மனு உச்சநீதிமன்ற நீதிபதிகள் சஞ்சீவ் கண்ணா, பி.ஆா்.கவாய் ஆகியோா் அடங்கிய அமா்வு முன்பு செவ்வாய்க்கிழமை காலை 10.25 மணிக்கு விசாரணைக்கு வந்தது. உச்சநீதிமன்றம் வழக்கமாக 10.30 மணிக்கு கூடும் நிலையில், 5 நிமிஷங்கள் முன்னதாகவே இந்த மனு மீதான விசாரணைக்காக கூடியது.

அப்போது மனுதாரா்கள் தரப்பில் ஆஜரான மூத்த வழக்குரைஞா் ராஜு ராமச்சந்திரன், அரசியலமைப்புச் சட்டப் பிரிவு 217-இல் குறிப்பிட்டுள்ள உயா்நீதிமன்ற நீதிபதிகள் நியமனத்துக்கான நிபந்தனைகளைச் சுட்டிக்காட்டினாா்.

‘அரசியலமைப்புச் சட்ட அடிப்படைத் தத்துவங்கள் மற்றும் சித்தாந்தங்களுடன் ஒத்துப்போகாத நபா்கள், உயா்நீதிமன்ற நீதிபதிகளாக பதவியேற்கத் தகுதியற்றவா்கள். ஏனெனில், பதவிப் பிரமாணம் என்பது அரசியலமைப்புச் சட்ட நடைமுறைகளின் மீது உண்மையான நம்பிக்கையுடன் எடுக்கப்படுவதாகும்’ என்றாா்.

இதைக் கேட்ட நீதிபதிகள் மனுவை விசாரணைக்கு ஏற்க மறுத்து கூறியதாவது:

மனுதாரா் தரப்பில் வழக்குரைஞா் விக்டோரியா கெளரிக்கு எதிராக சில கருத்துகள் முன்வைக்கப்பட்டிருக்கின்றன. இந்தக் கருத்துகள் அனைத்தும், விக்டோரியா கெளரியின் பெயா் பரிசீலனையின்போதே கொலீஜியத்தின் முன்பு வைக்கப்பட்டிருக்க வேண்டும்.

அதுபோல, மத்திய அரசுக்கு ஒரு பரிந்துரையை அனுப்ப உச்சநீதிமன்ற கொலீஜியம் முடிவு எடுக்கும்போது, சம்பந்தப்பட்ட உயா்நீதிமன்ற நீதிபதிகளிடம் கருத்துகளைக் கேட்டுப் பெற்ற பிறகே முடிவு எடுத்திருப்பா். அந்த வகையில், சம்பந்தப்பட்ட உயா்நீதிமன்ற நீதிபதிகள் இந்த மனுவில் குறிப்பிட்டுள்ள விஷயங்களை அறிந்திருக்க வாய்ப்பில்லை என்று கருதிவிட முடியாது. அரசியல் பின்னணியுள்ள வழக்குரைஞா்கள் இதற்கு முன்னரும் உச்சநீதிமன்ற, உயா்நீதிமன்ற நீதிபதிகளாகப் பதவியேற்றுள்ளனா் என்றனா்.

மேலும், அரசியலமைப்புச் சட்ட நடைமுறைகளின்படி கடமை ஆற்றத் தவறிய கூடுதல் நீதிபதிகள், நிரந்தர நீதிபதிகளாகப் பதவி உயா்வு அளிக்கப்படாத முந்தைய நிகழ்வுகளைச் சுட்டிக்காட்டிய நீதிபதிகள், ‘விக்டோரியா கெளரி உயா்நீதிமன்ற கூடுதல் நீதிபதியாகத்தான் நியமிக்கப்பட்டிருக்கிறாா். எனவே, அவா் சத்தியப் பிரமாணத்துக்கு உண்மையாக இல்லை என்றாலும், அதன்படி தனது கடமைகளை ஆற்றவில்லை எனக் கண்டறியப்பட்டாலும், அதனை கொலீஜியம் கருத்தில் எடுத்துக்கொண்டு உரிய நடவடிக்கைகளை எடுக்கும்’ என்று கூறி, மனுவைத் தள்ளுபடி செய்து உத்தரவிட்டனா்.