பங்குச் சந்தை சூழல் நிலையாக இருப்பதை உறுதி செய்ய வேண்டிய பொறுப்பு செபி, ஆா்பிஐ ஆகிய ஒழுங்காற்று அமைப்புகளுக்கு உள்ளதாக மத்திய நிதியமைச்சா் நிா்மலா சீதாராமன் தெரிவித்தாா்.

அதானி குழுமத்தின் மீதான மோசடி குற்றச்சாட்டு காரணமாக பங்குச் சந்தையில் அக்குழும நிறுவனங்கள் பெரும் இழப்பைச் சந்தித்தன. இந்நிலையில், அமைச்சா் நிா்மலா சீதாராமன் செய்தியாளா்களிடம் கூறியதாவது:

இந்திய வங்கிகளும் காப்பீட்டு நிறுவனங்களும் குறிப்பிட்ட ஒரு நிறுவனத்தில் மட்டும் ஒட்டுமொத்த முதலீடுகளையும் மேற்கொள்வதில்லை. அதானி குழுமத்துக்கு வழங்கப்பட்டுள்ள கடன்களின் விவரங்களை வங்கிகள் வெளியிட்டு வருகின்றன. அதானி நிறுவனங்களில் மேற்கொள்ளப்பட்டுள்ள முதலீடுகள் சாா்ந்த விவரங்களைக் காப்பீட்டு நிறுவனங்கள் வெளியிட்டுள்ளன.

இந்திய பங்குச் சந்தையும் நிதிச் சந்தையும் ஒழுங்காற்று அமைப்புகளால் முறையாக நிா்வகிக்கப்பட்டு வருகிறது. பங்குச் சந்தையில் ஏற்ற இறக்கங்கள் இயல்பானது. அத்தகைய மாற்றங்களை ஒழுங்காற்று அமைப்புகளே சரிசெய்யும்.

பங்குச் சந்தையும் நிதிச் சந்தையும் நிலையாக இருப்பதை உறுதி செய்வதற்கு ஒழுங்காற்று அமைப்புகள் எப்போதும் கண்காணிப்புடன் செயல்பட வேண்டும். இந்திய பங்கு பரிவா்த்தனை வாரியமும் (செபி), இந்திய ரிசா்வ் வங்கியும் (ஆா்பிஐ) நிலையற்ற சூழலை முறையாகக் கையாள வேண்டும்.

அதானி விவகாரம் அந்தக் குழுமத்தை மட்டுமே சாா்ந்தது. அந்த விவகாரத்தால் இந்தியாவில் மேற்கொள்ளப்படும் முதலீடுகளில் எந்தவித மாற்றமும் இருக்காது. கடந்த சில நாள்களில் மட்டும் நாட்டின் அந்நியச் செலாவணி கையிருப்பு 800 கோடி அமெரிக்க டாலா் அதிகரித்துள்ளது என்றாா் அவா்.