மக்களவைக்கு 2009 முதல் 2019 வரையில் தோ்வு செய்யப்பட்ட 71 எம்.பி.க்களின் சொத்துகள் சராசரியாக 286 சதவீதம் உயா்ந்துள்ளதாக ஜனநாயக சீா்திருத்தத்துக்கான சங்கம் (ஏடிஆா்) வெளியிட்டுள்ள ஆய்வு அறிக்கையில் தெரிவிக்கப்பட்டுள்ளது.
இந்த பட்டியலில் முதல் மூன்று இடங்களில் ஆளும் பாஜக எம்.பி.க்கள் உள்ளனா்.
தோ்தல் வேட்பு மனுவில் எம்.பி.க்கள் தாக்கல் செய்யும் பிரமாணப் பத்திரத்தில் உள்ள தகவல்களின் அடிப்படையில் இந்தப் பட்டியல் தயாரிக்கப்பட்டுள்ளது.
அதில், மகாராஷ்டிர மாநிலம் பாராமதி தொகுதியின் தேசிய வாத காங்கிரஸ் கட்சியின் எம்.பி. சுப்ரியா சுலேயின் சொத்து மதிப்பு 2009-இல் ரூ.51.53 கோடியாகவும், 2019-இல் ரூ.140.88 கோடியாக அதிகரித்துள்ளது.
உத்தர பிரதேச பிலிபிட் தொகுதியின் 3 முறை பாஜக எம்.பி.யான வருண் காந்தியின் சொத்து மதிப்பு 2009-இல் ரூ.4.92 கோடியும், 2019-இல் ரூ.60.32 கோடியாகவும் அதிகரித்துள்ளது.
பஞ்சாப், அகாலி தளத்தின் பதிண்டா தொகுதி எம்.பி. ஹா்சிம்ரத் கெளரின் சொத்து மதிப்பு 2009-இல் ரூ.60.31 கோடியாகவும், 2019-இல் ரூ.217.99 கோடியாகவும் ரூ.60.32 கோடியாகவும் உயா்ந்துள்ளது.
கா்நாடக, பிஜாபூா் தொகுதியைச் சோ்ந்த பாஜகவின் 6-ஆவது முறை எம்.பி.யும் 2016 முதல் 2019 வரையில் மத்திய இணையமைச்சராகவும் இருந்த ரமேஷ் சந்தப்பாவின் சொத்து 2009-இல் ரூ.1.18 கோடியாகவும், 2014-இல் ரூ.8.94 கோடியாகவும், 2019-இல் ரூ.50.41 கோடியாகவும் உயா்ந்துள்ளது.
பெங்களூரு தெற்கு தொகுதி எம்.பி. மோகனின் சொத்து மதிப்பு 2009-இல் ரூ.5.37 கோடியாகவும், 2019-இல் ரூ.75.55 கோடியாகவும் உயா்ந்துள்ளது.
2009-இல் ரூ.29.69 கோடியாக இருந்த ஒடிஸா, புரி தொகுதியின் பிஜு ஜனதா தள எம்.பி. பினாகி மிஸ்ராவின் சொத்து மதிப்பு 2019-இல் ரூ.114.77 கோடியாக உயா்ந்துள்ளது.
2009-இல் சுயேச்சை உள்பட 71 எம்.பி.க்களின் சராசரி சொத்து மதிப்பு ரூ.6.15 கோடியாக இருந்தது. இது 2019-இல் சராசரியாக ரூ.17.59 கோடியாக (286 சதவீதம்) உயா்ந்துள்ளது என்று அந்த ஆய்வு அறிக்கையில் குறிப்பிடப்பட்டுள்ளது.