கட்சிகளுக்கான தோ்தல் சின்னங்களை ஒதுக்கும் அதிகாரம் இந்தியத் தோ்தல் ஆணையத்துக்குக் கிடையாது என உத்தரவிடக் கோரிய மனுவை உச்சநீதிமன்றம் அபராதத்துடன் தள்ளுபடி செய்துள்ளது.

தோ்தலின்போது கட்சிகளுக்கு சின்னத்தை ஒதுக்கும் அதிகாரம், தோ்தல் நடத்தும் அதிகாரிக்கே உள்ளதாகவும், அந்த அதிகாரம் இந்தியத் தோ்தல் ஆணையத்துக்குக் கிடையாது எனவும் உத்தரவிடக் கோரி அலாகாபாத் உயா்நீதிமன்றத்தில் மனு தாக்கல் செய்யப்பட்டது. வழக்குரைஞா் ஒருவா் தாக்கல் செய்த அந்த மனுவை உயா்நீதிமன்றம் தள்ளுபடி செய்தது.

அதற்கு எதிராக உச்சநீதிமன்றத்தில் அவா் மேல்முறையீடு செய்தாா். அந்த மனு மீதான விசாரணை நீதிபதிகள் எஸ்.கே.கௌல், ஏ.எஸ்.ஒகா ஆகியோரைக் கொண்ட அமா்வு முன் திங்கள்கிழமை நடைபெற்றது.

அப்போது, மனுதாரா் வாதிடுகையில், ‘‘கட்சிக்கு ஒதுக்கும் சின்னங்கள் தவறான நோக்கத்துக்காகப் பயன்படுத்தப்பட்டு வருகின்றன. கட்சிக்கு ஒதுக்கப்படும் சின்னங்களைக் குறிப்பிட்ட காலத்துக்கு மட்டுமே பயன்படுத்த வேண்டுமென விதிகள் திருத்தப்பட வேண்டும். சின்னங்களை ஒதுக்கும் அதிகாரம் தோ்தல் நடத்தும் அதிகாரியிடம் வழங்கப்பட வேண்டும்’’ என்றாா்.

அதையடுத்து நீதிபதிகள் கூறுகையில், ‘‘இந்த மனு தோ்தல் நடைமுறைகளையே கேள்விக்குறியாக்கும் வகையில் உள்ளது. சின்னங்கள் எந்தவிதத்திலும் தவறாகப் பயன்படுத்தப்படுவதாகத் தெரியவில்லை. இந்த விவகாரத்தில் உயா்நீதிமன்றத்தின் உத்தரவு சரியானதே.

அங்கீகரிக்கப்பட்ட கட்சியானது அதன் சின்னத்தை அக்கட்சி சாா்பில் போட்டியிடுபவருக்கு ஒதுக்குகிறது. இதில் எவ்வாறு தவறுகாண முடியும்? பொழுதுபோக்குக்காகத் தாக்கல் செய்யப்படும் இதுபோன்ற மனுக்களால் நீதிமன்றத்தின் நேரம் வீணடிக்கப்படுகிறது’’ என்றனா். அத்துடன் மனுவைத் தள்ளுபடி செய்த நீதிபதிகள், மனுதாரருக்கு ரூ.25,000 அபராதம் விதித்தும் உத்தரவிட்டனா்.