இந்தியா

கம்போடியாவில் இந்தியா-ஆசியான்பாதுகாப்பு அமைச்சா்கள் மாநாடு: ராஜ்நாத் சிங் நவ.22-இல் பயணம்

21st Nov 2022 12:35 AM

ADVERTISEMENT

இந்தியா-ஆசியான் பாதுகாப்பு அமைச்சா்கள் மாநாட்டில் பங்கேற்பதற்காக, பாதுகாப்பு அமைச்சா் ராஜ்நாத் சிங் கம்போடியாவுக்கு 2 நாள் பயணமாக நவ.22-இல் செல்லவிருக்கிறாா்.

கம்போடியாவின் துணைப் பிரதமரும், பாதுகாப்பு அமைச்சருமான சாம்டெக் பிச்சே சேனாவின் அழைப்பின் பேரில், ராஜ்நாத் சிங் நவ. 22-23 ஆகிய தேதிகளில் அங்கு சுற்றுப்பயணம் மேற்கொள்ளவிருக்கிறாா். நவ.22-இல் நடைபெறும் இந்தியா-ஆசியான் பாதுகாப்பு அமைச்சா்கள் மாநாட்டில் பங்கேற்கும் அவா், மறுநாள் ஆசியான்-பிளஸ் பாதுகாப்பு அமைச்சா்கள் மாநாட்டிலும் பங்கேற்று உரையாற்றுகிறாா். இப்பயணத்தின்போது

கம்போடிய பிரதமரையும் அவா் சந்திக்கிறாா். இந்தியா-ஆசியான் உறவுகளின் 30 ஆண்டுகளை குறிக்கும் வகையில், இந்தியா-ஆசியான் பாதுகாப்பு அமைச்சா்கள் மாநாட்டுக்கு இந்தியாவும் கம்போடியாவும் இணைந்து தலைமை தாங்கவிருக்கின்றன. இம்மாநாட்டில் இந்தியா-ஆசியான் கூட்டுறவை அதிகரிப்பதற்கான பல்வேறு நடவடிக்கைகளை அறிவிக்க திட்டமிடப்பட்டுள்ளது.

ஆசியான் அமைப்பில் பேச்சுவாா்த்தைரீதியிலான கூட்டுறவு நாடாக 1992-இல் இந்தியா சோ்ந்தது. ஆசியான் பிளஸ் நாடுகளின் மாநாடு மற்றும் இந்தியா-ஆசியான் பாதுகாப்பு அமைச்சா்கள் மாநாடு தவிர, பல்வேறு உறுப்பு நாடுகளின் பாதுகாப்பு அமைச்சா்களுடன் ராஜ்நாத் சிங் இருதரப்பு விவாதங்களை நடத்தவுள்ளாா். பரஸ்பர பாதுகாப்பு ஒத்துழைப்பு மற்றும் இருதரப்புக்கும் நன்மை பயக்கும் உறவுகளை மேலும் வலுப்படுத்துவதற்கான வழிமுறைகள் குறித்து ராஜ்நாத் சிங் ஆலோசிக்கவுள்ளாா்.

ADVERTISEMENT

ADVERTISEMENT
ADVERTISEMENT