இந்தியா

ரூ.500 கள்ள நோட்டுகள் புழக்கம் இரு மடங்கு அதிகரிப்பு: ரிசா்வ் வங்கி

31st May 2022 01:54 AM

ADVERTISEMENT

கடந்த நிதியாண்டில் ரூ.500 கள்ள நோட்டு புழக்கம் இரண்டு மடங்கு அதிகரித்துள்ளதாக ரிசா்வ் வங்கி தெரிவித்துள்ளது.

இதுகுறித்து அந்த வங்கியின் ஆண்டறிக்கையில் கூறியுள்ளதாவது:

கடந்த 2021-22-ஆம் நிதியாண்டில் வங்கிகளால் கண்டறியப்பட்ட ரூ.500 கள்ள நோட்டுகளின் எண்ணிக்கை 79,669-ஆக இருந்தது. இது, முந்தைய 2020-21-ஆம் நிதியாண்டில் கண்டறியப்பட்ட கள்ள நோட்டுகளின் எண்ணிக்கையை காட்டிலும் இரண்டு மடங்கு அதிகம்.

அதேபோன்று, ரூ.2,000 கள்ள நோட்டுகளின் புழக்கமும் 54.6 சதவீதம் உயா்ந்து 13,604 என்ற எண்ணிக்கையில் இருந்தது.

ADVERTISEMENT

கடந்த 2020-21-ஆம் நிதியாண்டில் கள்ளநோட்டுகளின் புழக்கும் குறைந்திருந்த நிலையில் மறுபடியும் அதிகரிக்கத் தொடங்கியுள்ளது. அதன்படி, கடந்த நிதியாண்டில் வங்கிகளால் கண்டறியப்பட்ட ஒட்டுமொத்த கள்ள நோட்டுகளின் எண்ணிக்கையானது 2,08,625-லிருந்து 2,30,971-ஆக அதிகரித்துள்ளதாக ரிசா்வ் வங்கி தெரிவித்துள்ளது.

ADVERTISEMENT
ADVERTISEMENT