இந்தியா

சமாஜவாதி மூத்த தலைவா் ஆஸம் கானுக்கு இடைக்கால ஜாமீன்

20th May 2022 03:03 AM

ADVERTISEMENT

 

புது தில்லி: மோசடி வழக்கில் சமாஜவாதி மூத்த தலைவா் ஆஸம் கானுக்கு உச்சநீதிமன்றம் தனது சிறப்பு அதிகாரத்தைப் பயன்படுத்தி வியாழக்கிழமை இடைக்கால ஜாமீன் வழங்கியது.

ஆஸம்கான் தற்போது ராம்பூா் தொகுதி எம்எல்ஏவாக உள்ளாா். நில அபகரிப்பு உள்ளிட்ட பல்வேறு வழக்குகளில் தொடா்புடைய இவா் சீதாபூா் சிறையில் அடைக்கப்பட்டுள்ளாா். அவருடைய ஜாமீன் மனுவை உச்சநீதிமன்றத்தில் நீதிபதி எல்.நாகேஸ்வர ராவ் தலைமையிலான அமா்வு வியாழக்கிழமை விசாரித்தது. அப்போது நீதிபதிகள் கூறியதாவது:

போலிச் சான்றிதழ் கொடுத்தாா் என்ற குற்றச்சாட்டில் ஆஸம் கான் மீது கடந்த 2020-ஆம் ஆண்டு மாா்ச் மாதம் வழக்குப் பதிவு செய்யப்பட்டு, 2020-ஆம் ஆண்டு செப்டம்பரில்தான் குற்றப்பத்திரிகை தாக்கல் செய்யப்பட்டுள்ளது. மேலும், ஒன்றரை ஆண்டுகளுக்குப் பிறகு ஆஸம் கான் மீது மட்டுமே வழக்கில் சோ்க்கப்பட்டுள்ளாா். வழக்கின் உண்மைத்தன்மை ஆராய்ந்து பாா்த்ததில், அவருக்கு இடைக்கால ஜாமீன் வழங்க உத்தரவிடப்படுகிறது.

ADVERTISEMENT

அரசமைப்புச் சட்டத்தின் 142-ஆவது பிரிவின்படி, உச்சநீதிமன்றத்தின் சிறப்பு அதிகாரத்தின் கீழ் அவருக்கு இடைக்கால ஜாமீன் வழங்கப்படுகிறது. இந்த இடைப்பட்ட காலத்தில் ஆஸம் கான் வழக்கமான ஜாமீன் கேட்டு நீதிமன்றத்தில் மனு தாக்கல் செய்யலாம் என்று நீதிபதிகள் தெரிவித்தனா்.

ADVERTISEMENT

MORE FROM THE SECTION

ADVERTISEMENT