இந்தியா

காஷ்மீா் மக்கள் பிடித்து கொடுத்த பயங்கரவாதிகளிடம் இருந்து வெடிகுண்டுகள் பறிமுதல்

5th Jul 2022 01:54 AM

ADVERTISEMENT

ஜம்மு காஷ்மீரில் மக்களால் பிடித்துகொடுக்கப்பட்ட 2 லஷ்கா் பயங்கரவாதிகளின் பதுங்கு இடத்தில் இருந்து வெடிகுண்டுகள், துப்பாக்கிகள், வெடிபொருள்கள் பறிமுதல் செய்யப்பட்டதாக போலீஸாா் தெரிவித்தனா்.

ரியாஸி மாவட்டத்தில் மக்களோடு மக்களாக இருந்த லஷ்கா் பயங்கரவாத கமாண்டா் தாலிப் ஹுசைன் ஷா, கூட்டாளிகள் பைசல் அகமது ஆகியோரை அப்பகுதி மக்கள் ஒன்று கூடி பிடித்து போலீஸாரிடம் ஞாயிற்றுக்கிழமை ஒப்படைத்தனா்.

இதில், ஹுசைன் ஷா அளித்த தகவலின் அடிப்படையில் ரஜெளரி மாவட்டம், திராஜ் கிராமத்தில் உள்ள பதுங்குமிடத்தில் இருந்து 6 வெடிகுண்டுகள், துப்பாக்கிகள், தோட்டாக்கள், கையேறி குண்டுகள் ஆகியவை பறிமுதல் செய்யப்பட்டன என்று போலீஸாா் தெரிவித்தனா்.

பயங்கரவாதிகளை தைரியமாக பிடித்து கொடுத்த அப்பகுதி மக்களை பாராட்டியுள்ள ஆளுநா் மனோஜ் சின்ஹா அவா்களுக்கு சன்மானம் அளிக்கப்படும் என்று அறிவித்துள்ளாா்.

ADVERTISEMENT

‘பாஜகவுக்கு தொடா்பு’:

பிடிபட்ட லஷ்கா் அமைப்பின் கமாண்டா் தாலிப் ஹுசைன் ஷா, ஜம்மு பாஜகவின் சிறுபான்மையினா் பிரிவின் தகவல் தொழில்நுட்ப பொறுப்பாளராக செயல்பட்டு வந்தாா் என காங்கிரஸ் கட்சி குற்றம்சாட்டியுள்ளது. இதற்கான புகைப்பட ஆதாரங்களும் இணையத்தில் வெளியாகின.

அதில், கடந்த மே 9-ஆம் ,தேதி ஜம்மு காஷ்மீா் பாஜக தலைவா் ரவீந்தா் ரெய்னா, பாஜக சிறுபான்மையினா் பிரிவின் தகவல் தொழில்நுட்ப பொறுப்பாளராக தாலிப் ஹுசைனை நியமனம் செய்யும் கடிதத்தை வழங்குகிறாா்.இந்த விவகாரம் பெரும் சா்ச்சையை ஏற்படுத்தி உள்ளது.

ADVERTISEMENT
ADVERTISEMENT