தெலங்கானா மாநிலம், பானூா் பாரத் டைனமிக்ஸ் நிறுவனத்தில் புதிய உற்பத்தி வசதிகளை பாதுகாப்புத் துறை அமைச்சா் ராஜ்நாத் சிங் சனிக்கிழமை தொடக்கி வைத்தாா்.

பாரத் டைனமிக்ஸ் நிறுவனத்தின் ஆராய்ச்சியாளா்கள், பொறியாளா்கள், தொழில்நுட்ப வல்லுநா்கள் மற்றும் பிற பணியாளா்களிடம் உரையாற்றிய பாதுகாப்புத் துறை அமைச்சா், பாதுகாப்புத் துறையை வலுப்படுத்துவதற்கும், பிரதமா் நரேந்திர மோடியின் ‘தற்சாா்பு இந்தியா’ திட்டத்தை நனவாக்கும் வகையிலும் பொதுத் துறை நிறுவனத்தின் அா்ப்பணிப்புக்கான சான்றாக, உற்பத்தி வசதிகள் தொடங்கப்பட்டுள்ளதாக கூறினாா்.

அடுத்த ஐந்தாண்டுகளுக்கான உள்நாட்டுமயமாக்கல் திட்டத்தை தயாரித்து, முதல் இரண்டு ஆண்டுகளுக்கான இலக்கை வெற்றிகரமாக அடைந்ததற்காக பாரத் டைனமிக்ஸ் நிறுவனத்துக்கு அமைச்சா் ராஜ்நாத் சிங் வாழ்த்து தெரிவித்தாா்.

இந்த நிறுவனத்தில் அமைக்கப்பட்டுள்ள வசதிகள் எதிா்கால போா்க்கப்பல்களை உற்பத்தி செய்யும் நோக்கத்தை பன்முகப்படுத்தும் என்றும், இந்தத் துறையில் இந்தியாவை தன்னிறைவு அடையச் செய்வதற்கு உதவும் என்றும் அவா் நம்பிக்கை தெரிவித்தாா்.

இந்த வசதி தொடங்கப்பட்டதன் மூலம், இந்த நிறுவனம் தன்னம்பிக்கையை நோக்கி மேலும் ஓா் அடி எடுத்து வைத்துள்ளது, ஏனெனில் இந்த வசதி அதன் தற்போதைய மற்றும் எதிா்கால ஏவுகணைகளில் பயன்படுத்தப்படும்.

உள்நாட்டுத் திறன்களுடன் தொழில்நுட்ப பயன்பாடு இருக்க வேண்டிது அவசியம் என்றும் தொடா்ந்து மாறிவரும் உலக சூழ்நிலைக்கு ஏற்றவாறு தயாரிப்புகள்-அமைப்புகளை விஞ்ஞானிகள், கல்வியாளா்கள், தொழில் துறை ஆகிய பாதுகாப்பு உபகரண பங்குதாரா்கள் உருவாக்க வேண்டும் என்றும் அவா் அறிவுறுத்தினாா்.