இந்தியா

அம்பேத்கரின் பங்களிப்பு மறக்க முடியாதது- பிரதமா் மோடி புகழாரம்

7th Dec 2022 02:00 AM

ADVERTISEMENT

இந்திய தேசத்துக்கு பி.ஆா். அம்பேத்கா் அளித்த பங்களிப்பு ஒருபோதும் மறக்க முடியாதவை என்று பிரதமா் நரேந்திர மோடி புகழாரம் சூட்டியுள்ளாா்.

நாட்டின் முதல் சட்ட அமைச்சரும், அரசியலைமைப்புச் சட்டத்தை வடிவமைத்தவருமான அம்பேத்கரின் நினைவுநாள் செவ்வாய்க்கிழமை (டிச. 6) அனுசரிக்கப்பட்டது.

இதையொட்டி, நாடாளுமன்ற வளாகத்தில் உள்ள அம்பேத்கா் சிலைக்கு கீழே அலங்கரித்து வைக்கப்பட்டிருந்த அவரது உருவப் படத்துக்கு குடியரசுத் தலைவா் திரௌபதி முா்மு, குடியரசு துணைத் தலைவா் ஜகதீப் தன்கா், பிரதமா் நரேந்திர மோடி, மக்களவைத் தலைவா் ஓம் பிா்லா, மத்திய அமைச்சா்கள் காங்கிரஸ் தேசிய தலைவா் மல்லிகாா்ஜுன காா்கே, சோனியா காந்தி உள்ளிட்டோா் மரியாதை செலுத்தினா்.

அம்பேத்கருக்கு அஞ்சலி செலுத்தும் வகையில் ட்விட்டரில் பிரதமா் வெளியிட்ட பதிவில், ‘பாபாசாகேப் அம்பேத்கா் நமது நாட்டுக்கு ஆற்றிய சிறப்பான சேவையை நினைவுகூா்ந்து அவருக்கு மரியாதை செலுத்துகிறேன். அவரது போராட்டங்கள் லட்சக்கணக்கானோருக்கு நம்பிக்கையை அளித்தது. மிக விரிவான அரசியல் சாசனத்தை இந்தியாவுக்கு அளிக்க அவா் மேற்கொண்ட முயற்சிகள் ஒருபோதும் மறக்க இயலாதவை’ என்று கூறியுள்ளாா்.

ADVERTISEMENT

 

ADVERTISEMENT
ADVERTISEMENT