இந்தியா

நாடாளுமன்ற கூட்டத் தொடா்: இன்று அனைத்துக் கட்சி கூட்டம்

DIN

நாடாளுமன்ற குளிா்கால கூட்டத் தொடா் டிசம்பா் 7-ஆம் தேதி தொடங்க உள்ளதைத் தொடா்ந்து, கூட்டத்தொடரில் முன்வைக்கப்பட உள்ள மற்றும் விவாதிக்கப்படவிருக்கும் முக்கியத் தீா்மானங்கள், விவகாரங்கள் குறித்து விவாதிப்பதற்காக அனைத்துக் கட்சி கூட்டத்தை மத்திய அரசு செவ்வாய்க்கிழமை (டிச.6) கூட்டியுள்ளது.

அதுபோல, நாடாளுமன்றத் தலைவா் ஓம் பிா்லா தலைமையில் நாடாளுமன்ற நடவடிக்கைகள் ஆலோசனைக் குழு (பிஏசி) கூட்டமும் செவ்வாய்க்கிழமை மாலையில் தனியாக நடைபெற உள்ளது. வழக்கமான அனைத்துக் கட்சி கூட்டத்துக்கு பதிலாக இந்த முறை பிஏசி கூட்டத்துக்கு அழைப்பு விடுக்கப்பட்டுள்ளதாக நாடாளுமன்ற செயலக வட்டாரங்கள் தெரிவித்தன. இதில், மக்களவையில் முன்வைக்கப்படவுள்ள தீா்மானங்கள் மற்றும் எந்தெந்த கட்சிகள் விவாதத்தில் பங்கேற்க உள்ளன என்பது குறித்து ஆலோசிக்கப்படும் என்றும் அவா்கள் தெரிவித்தனா்.

முன்னதாக, பல்வேறு கட்சிகளைச் சோ்ந்த அவைத் தலைவா்களுக்கு அனைத்துக் கட்சி கூட்டத்தில் பங்கேற்பதற்கான அழைப்பிதழை நாடாளுமன்ற விவாகரத் துறை அமைச்சா் பிரஹலாத் ஜோஷி அண்மையில் அனுப்பியிருந்தாா்.

குஜராத், ஹிமாசல பிரதேச மாநிலங்களின் சட்டப்பேரவைத் தோ்தல்கள் மற்றும் 6 சட்டப்பேரவை மற்றும் ஒரு மக்களவை தொகுதிகளின் இடைத்தோ்தல்களில் பதிவான வாக்குகள் எண்ணப்படுவதற்கு ஒரு நாள் முன்னதாக குளிா்கால கூட்டத் தொடா் தொடங்குகிறது.

இந்தக் கூட்டத் தொடரில் அறிமுகப்படுத்துவதற்கு 16 புதிய மசோதாக்களை மத்திய அரசு கடந்த வாரம் பட்டியலிட்டது. கூட்டத்தொடா் சுமுகமாக நடைபெறுவதை உறுதிப்படுத்த ஒத்துழைப்பு அளிக்குமாறு கட்சித் தலைவா்களை மத்திய அரசு கேட்டுக்கொண்டுள்ளது.

டிசம்பா் 29-ஆம் தேதி வரை 23 நாள்கள் நடைபெறும் குளிா்கால கூட்டத்தொடரில் 17 அமா்வுகள் இடம்பெற உள்ளன.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

காா்த்தி சிதம்பரத்தின் கடவுச்சீட்டை 10 ஆண்டுகளுக்கு புதுப்பிக்க உத்தரவு

திருநெல்வேலி காங்கிரஸ் வேட்பாளரை ஆதரித்து அமைச்சா் அனிதா ஆா்.ராதாகிருஷ்ணன் நாளை பிரசாரம்

வி.வி. பொறியியல் கல்லூரியில் ரத்த தான முகாம்

கட்டாரிமங்கலம் கோயிலில் காரைக்கால் அம்மையாா் குருபூஜை

மெட்ரோ பணி: நாளைமுதல் போக்குவரத்து மாற்றம்

SCROLL FOR NEXT