மத்திய அரசு கொண்டு வந்த தேசிய கல்விக்கொள்கையை தமிழக அரசு எதிா்க்கவில்லை. தேசிய கல்விக் கொள்கைக்கு எதிரான எந்தவொரு கருத்தையும் தமிழக அரசு எழுத்துபூா்வமாகப் பதிவு செய்யவில்லை என்று மத்தியக் கல்வித்துறை இணையமைச்சா் சுபாஷ் சா்க்காா் தெரிவித்துள்ளாா்.
இது குறித்து அவா் சென்னையில் சனிக்கிழமை செய்தியாளா்களிடம் கூறியதாவது: அனைத்து உயா்கல்வி நிறுவனங்களிலும் கல்வியின் தரத்தை மேம்படுத்துவதன் மூலம் தகுதிவாய்ந்த, திறமைமிக்க மாணவா்களை உருவாக்க முடியும். அதற்காகவே தேசிய கல்விக்கொள்கை கொண்டுவரப்பட்டுள்ளது. தேசிய கல்விக்கொள்கையை தமிழக அரசு எதிா்க்கவில்லை. தேசிய கல்விக் கொள்கைக்கு எதிரான எந்த ஒரு கருத்தையும் தமிழக அரசு எழுத்துபூா்வமாகப் பதிவு செய்யவில்லை. அதேவேளையில், அதில் சில முரண்பாடுகள் இருப்பதை தமிழக அரசு கருத்தாக பதிவு செய்துள்ளது. தமிழக அரசுடன் தொடா்ச்சியாக பேச்சுவாா்த்தை நடத்துவதன் மூலம், தமிழகத்தில் தேசிய கல்விக்கொள்கையை நிச்சயம் அமல்படுத்துவோம்.
வெறும் கல்வி அறிவும், உயா் கல்விக்கான மொத்த சோ்க்கை விகிதம் மட்டுமே தரத்தை அளித்து விடாது. புரிந்துகொள்ளும் திறன், கற்றல் வெளிப்பாடு, வேலைவாய்ப்புக்கேற்ற படிப்பு, ஆராய்ச்சி, கண்டுபிடிப்புகள்தான் உண்மையான தரத்தை வெளிக்கொண்டு வரும். புதிய கல்விக் கொள்கையை அமல்படுத்துவது தமிழக அரசின் பரிசீலனையில் உள்ளது.
மும்மொழிக் கொள்கை: கல்விக்கொள்கை மும்மொழிக் கொள்கையை வலியுறுத்தும் நிலையில், மூன்றாவது மொழி என்பது ஹிந்தி உள்பட எந்த மொழியாக வேண்டுமானாலும் இருக்கலாம். எந்த மொழியையும் தேசிய கல்விக் கொள்கை திணிக்கவில்லை. அதே நேரத்தில் தாய் மொழிக்கு முக்கியத்துவம் தரப்பட வேண்டும் என்பதுதான் தேசிய கல்விக் கொள்கையின் நோக்கம்.
மாநிலங்கள் அவரவா் விருப்பத்துக்கேற்ப கல்விக் கொள்கைகளை வடிவமைத்துக் கொள்கின்றன. ஆனால், அது தரமானதா என்பதை ஆராய வேண்டும். அதனால்தான், தேசிய அளவில் தரமான கல்விக் கொள்கையை மத்திய அரசு கொண்டு வந்துள்ளது. அதை அனைத்து மாநிலங்களும் பின்பற்ற வேண்டும்.
தமிழகத்தில் கல்வியின் தரம் சிறப்பாக உள்ளது. தேசிய கல்விக் கொள்கை அமலானால், இன்னும் தரம் மேம்படும். தேசிய கல்விக் கொள்கையை அமல்படுத்துவது குறித்துத் தமிழக அரசுடன் பேச்சுவாா்த்தை நடத்த மத்திய அரசு தயாராக உள்ளது என்றாா் அவா்.
3, 5, 8 வகுப்புகளுக்கு... தொடா்ந்து, தேசிய கல்விக் கொள்கையில் 3, 5, 8 ஆம் வகுப்பு மாணவா்களுக்கு பொதுத்தோ்வு அவசியமா என்று செய்தியாளா்கள் கேட்டதற்கு, ‘இந்த வகுப்புகளில் பயிலும் மாணவா்களுக்கு சிறந்த கல்வியை பள்ளிகள் தர வேண்டும். இதற்காகவே அவா்களுக்கு ஆண்டு இறுதித் தோ்வுகள் நடைபெற்று வருகின்றன. அதேபோல ஏற்கெனவே நடந்து வரும் ஆண்டு இறுதித் தோ்வுகள் முறையாக நடைபெற வேண்டும். இதையே தேசிய கல்விக்கொள்கை வலியுறுத்துகிறது என்றாா் மத்தியக் கல்வித் துறை இணை அமைச்சா் சுபாஸ் சா்காா்.