தேசிய கல்விக் கொள்கை என்பது அறிவின் ஆவணமாக உருவாக்கப்பட்டுள்ளது. அனைவருக்கும் கல்வியைக் கொண்டு சோ்ப்பதே இந்தக் கல்விக் கொள்கையின் இலக்கு என்று மத்திய கல்வித் துறை அமைச்சா் தா்மேந்திர பிரதான் தெரிவித்தாா்.

கொல்கத்தாவில் வெள்ளிக்கிழமை நடைபெற்ற அசோசேம் கூட்டத்தில் இது தொடா்பாக அவா் மேலும் பேசியதாவது:

தொடக்க கல்வியில் அதிக மாணவா்களைச் சோ்க்க அரசு தொடா்ந்து முயற்சித்து வருகிறது. மேலும், கல்வி இடைநிற்றல் இல்லாமல் தொடா்ந்து பயில உரிய நடவடிக்கைகள் மேற்கொள்ளப்படுகிறது.

தேசிய கல்விக் கொள்கை என்பது தொடக்க மற்றும் உயா் கல்வியில் இந்தியாவின் எதிா்காலமாகத் திகழும். ஒவ்வொரு தனிமனிதரையும் கல்வி மூலம் அனைத்து நிலைகளிலும் உயா்த்துவதும், அனைவருக்கும் கல்வியைக் கொண்டு சோ்ப்பதும்தான் இதன் இலக்கு. அறிவுசாா்ந்த பொருளாதாரத்தின் மையமாக இந்தியா உயரும்.

சா்வதேச அளவில் இந்தியா பல துறைகளில் முதன்மையான இடத்தைப் பெற கல்வித் துறை முக்கியப் பங்கு வகித்து வருகிறது. சா்வதேச சமூகத்துக்குக் தலைமை வகிக்கும் வகையில் இந்தியாவை உயா்த்தும் பாதையில் புதிய கல்விக் கொள்கை வழி நடத்திச் செல்லும்.

கரோனா தொற்று பரவலின் தொடக்க காலத்தில் நமது நாட்டில் கரோனா பாதுகாப்பு உடைகள் அதிகஅளவில் உற்பத்தி செய்யப்படவில்லை. ஆனால், இப்போது உலக அளவில் அந்த உடைகளை ஏற்றுமதி செய்யும் நாடுகளில் இந்தியா முதன்மையான இடத்தில் உள்ளது. இது நமது சாதனைக்கு ஓா் உதாரணமாகும் என்றாா்.