தேசிய நிறுவனங்கள் சட்ட மேல்முறையீட்டுத் தீா்ப்பாயத்தின் (என்சிஏஎல்டி) பொறுப்பு தலைவா் பணியை நீதிபதி அசோக் இக்பால் சிங் சீமா வெள்ளிக்கிழமை மீண்டும் தொடங்கினாா்.

என்சிஎல்ஏடி-யின் நீதித்துறை உறுப்பினராக கடந்த 2017-ஆம் ஆண்டு செப்டம்பரில் நீதிபதி சீமா நியமிக்கப்பட்டாா். பின்னா் அதன் பொறுப்பு தலைவராக கடந்த ஏப்ரல் 19-ஆம் தேதி அவா் நியமிக்கப்பட்டாா். வரும் 20-ஆம் தேதியுடன் அவா் ஓய்வுபெறுவதாக இருந்தது.

இந்நிலையில், என்சிஎல்ஏடி பொறுப்பு தலைவராக நீதிபதி எம்.வேணுகோபால் செப்டம்பா் 11-ஆம் தேதியில் இருந்து செயல்படுவாா் என்று மத்திய அரசு அறிவித்தது. இதற்கு எதிராக நீதிபதி சீமா உச்சநீதிமன்றத்தில் வழக்கு தொடுத்தாா். வழக்கு விசாரணையின்போது, நீதிபதி சீமாவை மீண்டும் தலைவா் பதவியில் நியமிக்க மத்திய அரசு ஒப்புதல் தெரிவித்தது.

அதையடுத்து, நீதிபதி சீமா தனது பணியை வெள்ளிக்கிழமை மீண்டும் தொடங்கினாா். என்சிஎல்ஏடி தொழில்நுட்ப உறுப்பினா் வி.பி.சிங்குடன் இணைந்து சில நிறுவனங்களின் வழக்குகளை அவா் விசாரித்தாா். என்சிஎல்ஏடி பொறுப்பு தலைவா் பதவியில் வரும் 20-ஆம் தேதி வரை நீதிபதி சீமா நீடிப்பாா். இந்த காலகட்டத்தில் ஏற்கெனவே விசாரிக்கப்பட்ட சில வழக்குகள் மீதான உத்தரவுகளையும் அவா் பிறப்பிக்கவுள்ளாா்.

என்சிஏஎல்டி தலைவா் பொறுப்பில் நியமிக்கப்பட்ட நீதிபதி எம்.வேணுகோபால் வரும் 20-ஆம் தேதி வரை விடுப்பில் அனுப்பப்பட்டுள்ளாா். கடந்த ஒன்றரை ஆண்டுகளுக்கும் மேலாக என்சிஎல்ஏடி நிரந்தரத் தலைவா் இல்லாமல் செயல்பட்டு வருவது குறிப்பிடத்தக்கது.