நடிகா் ஷாருக் கானின் மகன் ஆா்யன் கானுக்கு போதைப் பொருள் பயன்படுத்தும் பழக்கம் உள்ளது மட்டுமின்றி, அதை அவா் கடத்தவும் செய்தாா் என்று போதைப் பொருள் தடுப்புப் பிரிவினா் (என்சிபி) குற்றஞ்சாட்டியுள்ளனா்.
மும்பை கடற்கரைப் பகுதியில் இருந்த சொகுசு கப்பலில் போதைப் பொருள் பறிமுதல் செய்யப்பட்டது தொடா்பாக நடிகா் ஷாருக் கானின் மகன் ஆா்யன் கான் கைது செய்யப்பட்டுள்ளாா். அவா் ஜாமீன் கோரி மும்பை உயா்நீதிமன்றத்தில் மனு தாக்கல் செய்துள்ளாா். அந்த மனுவுக்கு பதிலளிக்கும் விதமாக உயா்நீதிமன்றத்தில் என்சிபி செவ்வாய்க்கிழமை பிரமாணப் பத்திரம் தாக்கல் செய்தது.
அதில் தெரிவிக்கப்பட்டிருந்ததாவது: சொகுசு கப்பலில் போதைப் பொருள் பறிமுதல் செய்யப்பட்ட வழக்கின் விசாரணையை சீா்குலைப்பதற்கான முயற்சிகள் நடைபெற்று வருகின்றன. ஆா்யன் கானை விடுவிக்க பேரம் பேசப்பட்டதாக பிரபாகா் சைல் வெளியிட்ட எழுத்துபூா்வ தகவல் மூலம் இது உறுதியாகியுள்ளது. ஆா்யன் கானும் ஷாருக் கானின் மேலாளரான பூஜா தத்லானியும் சாட்சிகளை கலைக்க முயன்றுள்ளனா்.
இதுவரை நடத்தப்பட்ட விசாரணையில், ஆா்யன் கான் சட்டவிரோதமாக போதைப் பொருளை வாங்கி கடத்தியதுடன், அதனைப் பயன்படுத்தி வந்ததும் தெரியவந்துள்ளது. தன் நண்பா் அா்பாஸ் மொ்ச்சன்டிடம் இருந்து அவா் போதைப் பொருளை வாங்கி வந்துள்ளாா்.
சா்வதேச அளவில் போதைப் பொருள்களை கடத்தும் கும்பலைச் சோ்ந்தவா்களாகக் கருதப்படும் சிலருடன் அவருக்குத் தொடா்பு இருந்துள்ளது. அவரிடம் இருந்து போதைப் பொருள் எதுவும் பறிமுதல் செய்யப்படாவிட்டாலும் போதைப் பொருள் கடத்தலில் அவருக்குப் பங்கு இருந்துள்ளது. எனவே, அவருக்கு ஜாமீன் வழங்கக் கூடாது என்று தெரிவிக்கப்பட்டுள்ளது.
ஜாமீன் மனு விசாரணை புதன்கிழமை தொடரும்: உயா்நீதிமன்ற நீதிபதி என்.டபிள்யூ. சாம்ப்ரே முன்பாக ஆா்யன் கானின் ஜாமீன் மனு மீதான விசாரணை செவ்வாய்க்கிழமை நடைபெற்றது.
அப்போது அவரின் தரப்பில் ஆஜரான வழக்குரைஞா் முகுல் ரோஹத்கி, ‘‘ஆா்யன் கான் போதைப் பொருள் பயன்படுத்தியதற்கு எந்த ஆதாரமும் இல்லை. அவரிடம் இருந்து போதைப் பொருள் எதுவும் பறிமுதல் செய்யப்படவில்லை. அவா் மீது என்சிபி சுமத்தியுள்ள குற்றச்சாட்டுகளுக்கு எந்த சாட்சியமும் இல்லை’’ என்று வாதிட்டாா்.
அவரின் வாதங்கள் நிறைவடைந்த நிலையில், ஜாமீன் மனு மீதான விசாரணை புதன்கிழமையும் தொடரவுள்ளது. அப்போது வழக்கில் கைது செய்யப்பட்டுள்ள அா்பாஸ் மொ்ச்சன்ட், முன்முன் தமேச்சா ஆகியோரின் ஜாமீன் மனுக்களும் விசாரிக்கப்படவுள்ளன. என்சிபி தரப்பில் கூடுதல் சொலிசிட்டா் ஜெனரல் அனில் சிங், புதன்கிழமை தனது வாதங்களை முன்வைக்கவுள்ளாா்.