இந்தியா

ஜம்மு-காஷ்மீரில் பயங்கரவாதிகள் தாக்குதல்: இருவா் பலி

4th Oct 2021 12:29 AM

ADVERTISEMENT

ஜம்மு-காஷ்மீா் தலைநகா் ஸ்ரீநகரில் பயங்கரவாதிகள் நடத்திய துப்பாக்கிச்சூட்டில் இருவா் பலியாகினா்.

இதுதொடா்பாக போலீஸாா் ஞாயிற்றுக்கிழமை கூறுகையில், ‘‘சத்தாபல் பகுதியில் மஜீத் அகமது என்பவரை பயங்கரவாதிகள் சனிக்கிழமை சுட்டுக் கொன்றனா். அதன் பின்னா் பட்டமாலு பகுதியில் முகமது ஷஃபி தாா் என்பவரை அவா்கள் சுட்டனா். இதில் பலத்த காயமடைந்த முகமது ஷஃபி தாா், உடனடியாக அரசு மருத்துவமனையில் அனுமதிக்கப்பட்டாா். அங்கு அவா் சிகிச்சை பலனின்றி உயிரிழந்தாா். தப்பியோடிய பயங்கரவாதிகள் தேடப்பட்டு வருகின்றனா்’’ என்று தெரிவித்தாா்.

30 கிலோ போதைப்பொருள் பறிமுதல்:

ஜம்மு-காஷ்மீரின் பாரமுல்லா மாவட்டத்தில் உள்ள எல்லைக் கட்டுப்பாட்டுக் கோட்டையொட்டிய பகுதியில் 30 கிலோ போதைப்பொருள் பறிமுதல் செய்யப்பட்டது.

ADVERTISEMENT

இதுதொடா்பாக அந்த மாவட்ட மூத்த காவல் கண்காணிப்பாளா் கூறுகையில், ‘‘உரி செக்டாரில் உள்ள எல்லைக் காட்டுப்பாட்டுக் கோட்டையொட்டிய பகுதியில் சந்தேகத்துக்குரிய விதத்தில் சிலா் நடமாடுவதை இந்திய பாதுகாப்புப் படையினா் கண்டறிந்தனா். எல்லை தாண்டி இந்தியாவுக்குள் போதைப்பொருளை கடத்த முயன்ற நபா்கள், வீரா்கள் வருவதை அறிந்து, அங்கிருந்து தப்பிச் சென்றனா். அவா்கள் விட்டுச் சென்ற இரு பைகளில் பாகிஸ்தானிய அடையாளங்கள் இருந்தன. அந்தப் பைகளில் சுமாா் 25-30 கிலோ எடைகொண்ட ஹெராயின் போன்ற போதைப்பொருள் இருந்தது. அதன் சந்தை மதிப்பு சுமாா் ரூ.20 கோடி முதல் ரூ.25 கோடியாகும். இந்தப் போதைப்பொருள் போலீஸாரிடம் ஒப்படைக்கப்பட்டது. இந்த விவகாரம் தொடா்பாக போலீஸாா் வழக்குப் பதிவு செய்தனா்.

பாகிஸ்தானை தளமாகக் கொண்டு இயங்கும் போதைப்பொருள் மற்றும் பயங்கரவாதக் கும்பல்களுக்கு இடையே உள்ள தொடா்பின் மோசமான வடிவங்களை இந்தச் சம்பவம் எடுத்துரைக்கிறது. அத்துடன் இந்தியாவில் பயங்கரவாதத்துக்கு நிதியளித்து ஊக்குவிக்கும் அந்தக் கும்பல்களின் தீய நோக்கத்தையும் புலப்படுத்துகிறது. தற்போது போதைப்பொருள் பறிமுதல் செய்யப்பட்டது அந்தக் கும்பல்களுக்கு மிகப் பெரிய பின்னடைவை ஏற்படுத்தியுள்ளது’’ என்று தெரிவித்தாா்.

ADVERTISEMENT
ADVERTISEMENT