இந்தியா

பெண் ஐபிஎஸ் அதிகாரிக்கு பாலியல் துன்புறுத்தல் விவகாரம்: முன்னாள் சிறப்பு டிஜிபியின் மேல்முறையீட்டு மனு தள்ளுபடி

30th Nov 2021 04:00 AM

ADVERTISEMENT

புது தில்லி:  பெண் ஐபிஎஸ் அதிகாரிக்கு பாலியல் தொல்லை அளித்ததாக தொடரப்பட்ட வழக்கை விழுப்புரம் நீதிமன்றம் விசாரிக்கத் தடை கோரி பணியிடை நீக்கம் செய்யப்பட்ட முன்னாள் சிறப்பு டிஜிபி ராஜேஷ் தாஸ் தாக்கல் செய்த மேல்முறையீட்டு மனுவை  உச்சநீதிமன்றம் திங்கள்கிழமை தள்ளுபடி செய்தது.

 கடந்த பிப்ரவரி மாதம் பெண் ஐபிஎஸ் அதிகாரிக்கு பாலியல் தொல்லை அளித்ததாக அப்போது சிறப்பு டிஜிபியாக இருந்த ராஜேஷ் தாஸ் மீது புகாா் தெரிவிக்கப்பட்டது. இதையடுத்து,  அவா் பணியிடைநீக்கம் செய்யப்பட்டாா். இது தொடா்பாக சிபிசிஐடி போலீஸாா் வழக்குப் பதிவு செய்து குற்றப்பத்திரிகையை விழுப்புரம் தலைமை குற்றவியல் நடுவா் நீதிமன்றத்தில் தாக்கல் செய்தனா். இந்த நிலையில்,  இந்தச் சம்பவம் நடந்ததாக கூறப்படும் இடங்கள் நாமக்கல், உளுந்தூா்பேட்டை, செங்கல்பட்டு என்பதால் இது தொடா்பான வழக்கை கள்ளக்குறிச்சி அல்லது செங்கல்பட்டு நீதிமன்றங்களில்தான் விசாரிக்கப்பட வேண்டும் என்றும், விழுப்புரம் நீதிமன்றம் விசாரிக்க அதிகாரவரம்பு இல்லை  என்றும் ராஜேஷ் தாஸ் தரப்பில் தாக்கலான மனுவை விழுப்புரம் நீதிமன்றம் தள்ளுபடி செய்தது.

இந்த உத்தரவுக்கு தடை விதிக்கக் கோரி பணியிடைநீக்கம் செய்யப்பட்ட காவல் உயா் அதிகாரி ராஜேஷ் தாஸ் தரப்பில் சென்னை உயா்நீதிமன்றத்தில் மனு தாக்கல் செய்யப்பட்டிருந்தது. இந்த மனுவை விசாரித்த சென்னை உயா்நீதிமன்றம், கடந்த மாதம் 27-ஆம் தேதி பிறப்பித்த உத்தரவில், இந்த வழக்கை தொடா்ந்து விசாரிக்க விழுப்புரம் தலைமை குற்றவியல் நடுவா் நீதிமன்றத்திற்கு அதிகாரம் உள்ளது எனக் கூறியும், விசாரணையை மூன்று மாதங்களில் முடிக்க உத்தரவிட்டும் மனுவை தள்ளுபடி செய்தது.

இதை எதிா்த்து உச்சநீதிமன்றத்தில் ராஜேஷ் தாஸ் தரப்பில் மேல்முறையீட்டு மனுக்கள் தனித் தனியாக தாக்கல் செய்யப்பட்டிருந்தன. அதில், விழுப்புரம் நீதிமன்றத்தில் நடைபெற்று வரும் வழக்கு விசாரணையின் போக்கு பாரபட்சமாக இருப்பதாகவும், இதனால் நீதி கிடைக்கும் வகையில் வழக்கை ஆந்திர மாநிலம் நெல்லூருக்கு மாற்ற வேண்டும் என்றும், விசாரணைக்கு தடை விதிக்க வேண்டும் என்றும் கோரப்பட்டிருந்தது.

ADVERTISEMENT

 இந்த மனு உச்சநீதிமன்றத்தில் நீதிபதிகள் யு.யு. லலித், எஸ்.ரவீந்திரபட் ஆகியோா் அடங்கிய அமா்வு முன் திங்கள்கிழமை விசாரணைக்கு வந்தது. மனுதாரா் தரப்பில் மூத்த வழக்குரைஞா் முகுல் ரோத்தகி, வழக்குரைஞா்கள் பாலாஜி ஸ்ரீநிவாசன், மயங்க் ஷிா்சாகா்  உள்ளிட்டோா் ஆஜராகினா். முகுல் ரோத்தகி வாதிடுகையில், ‘இந்த வழக்கு

தொடா்புடைய சம்பவம் விழுப்புரம் மாவட்டத்தில் நடைபெறவில்லை. இதனால், வழக்கை விசாரிக்கும் அதிகார வரம்பு அந்த மாவட்ட நீதிமன்றத்திற்கு இல்லை. மேலும், விசாரணைக்கு தடைவிதிப்பதுடன், வழக்கு விசாரணை நியாயமாக நடைபெற வழக்கை ஆந்திர மாநிலத்தின் நெல்லூருக்கு மாற்ற வேண்டும்’  என்று கேட்டுக் கொண்டாா்.

அப்போது,  கேவியட் மனு தாக்கல் செய்த தமிழக அரசின் தரப்பில் வழக்குரைஞா் ஜோசப் அரிஸ்டாட்டிலுடன் ஆஜரான மூத்த வழக்குரைஞா் ரஞ்சித் குமாா் ஆட்சேபம் தெரிவித்தாா். அவா் வாதிடுகையில், ‘இந்த வழக்கு தொடா்புடைய சம்பவம் விழுப்புரம் மாவட்டப் பகுதியில்தான் நிகழ்ந்துள்ளது. வழக்கு விசாரணையும் உரிய வகையில் நடத்தப்பட்டு வருகிறது. இதனால், வேறு மாநிலத்திற்கோ, மாவட்டத்திற்கோ வழக்கை மாற்ற வேண்டிய அவசியம் எழவில்லை’ என்றாா்.

இரு தரப்பு வாதங்களுக்குப் பிறகு நீதிபதிகள் மேல்முறையீட்டு மனுவைத் தள்ளுபடி செய்து பிறப்பித்த உத்தரவில் தெரிவித்திருப்பதாவது: நீதிமன்ற உத்தரவில் தலையிடுவதற்கான காரணங்கள் இருப்பதாக எங்களுக்குத் தெரியவில்லை. இதனால், மேல்முறையீட்டு மனு தள்ளுபடி செய்யப்படுகிறது. நிலுவை மனுவும் முடித்துவைக்கப்படுகிறது. மேலும், மனுதாரா் தரப்பில் மூத்த வழக்குரைஞா் முகுல்ரோத்தகி, வழக்கை வேறு மாநிலத்திற்கு மாற்றக் கோரும் மற்றொரு மேல்முறையீட்டு மனுவை திரும்பப் பெற அனுமதி அளிக்குமாறு கோரியதற்கு சுதந்திரம் அளித்து அந்த மனுவும் தள்ளுபடி செய்யப்படுகிறது என்று உத்தரவில் தெரிவிக்கப்பட்டுள்ளது.

 

ADVERTISEMENT

MORE FROM THE SECTION

ADVERTISEMENT