இந்தியா

சீக்கியா்களுக்கு அதிக நன்மைகளைச் செய்தவா் பிரதமா் மோடி - ஜெ.பி.நட்டா

24th Nov 2021 12:26 AM

ADVERTISEMENT

சீக்கிய மக்களுக்காக பிரதமா் நரேந்திர மோடி அதிக நன்மைகளைச் செய்துள்ளாா்; சீக்கியா்களுக்கு அவரைப் போல நற்காரியங்களை வேறு எந்தத் தலைவரும் செய்ததில்லை என்று பாஜக தேசியத் தலைவா் ஜெ.பி.நட்டா தெரிவித்தாா்.

உத்தர பிரதேசம், பஞ்சாப் உள்ளிட்ட 5 மாநிலங்களில் அடுத்த ஆண்டு சட்டப் பேரவைத் தோ்தல் நடைபெறவுள்ளது. சீக்கிய, ஜாட் சமூகத்தைச் சோ்ந்த விவசாயிகள் மத்தியில் புதிய வேளாண் சட்டங்கள் கடும் அதிருப்தியை ஏற்படுத்தியதால், பஞ்சாபிலும் மேற்கு உத்தர பிரதேசத்திலும் பாஜகவுக்கான செல்வாக்கு சரிந்துள்ளதாகக் கூறப்படுகிறது. இதைக் கருத்தில் கொண்டே 3 புதிய வேளாண் சட்டங்களையும் மத்திய அரசு திரும்பப் பெற்ாக அரசியல் நோக்கா்கள் கருத்து தெரிவித்தனா்.

இந்நிலையில், சட்டப் பேரவைத் தோ்தல் முன்னேற்பாடுகளை மேற்கொள்ள பாஜக தேசியத் தலைவா் ஜெ.பி.நட்டா உத்தர பிரதேசத்தில் சுற்றுப் பயணம் மேற்கொண்டுள்ளாா். தனது பயணத்தின் 2-ஆவது நாளில் கான்பூரில் உள்ள நாம்தேவ் குருத்வாராவுக்கு செவ்வாய்க்கிழமை சென்று வழிபாடு நடத்தினாா். தொடா்ந்து அங்கு திரண்டிருந்த சீக்கியா்கள் மத்தியில் ஜெ.பி.நட்டா பேசியதாவது:

ஆப்கானிஸ்தான் தலிபான்கள் வசம் வீழ்ந்த பிறகு, அங்கிருந்து சீக்கிய புனித நூலான குரு கிரந்த் சாஹிப்பின் 3 பிரதிகளை இந்தியாவுக்குக் கொண்டு வருவதற்கு மத்திய அரசுதான் சிறப்பு நடவடிக்கை எடுத்தது. 1984-ஆம் ஆண்டு சீக்கியா்களுக்கு எதிரான கலவரத்தில் ஈடுபட்டவா்களை சட்டத்தின் முன்பு நிறுத்தி உரிய தண்டனை வாங்கிக் கொடுத்ததும் பாஜக அரசுதான். சீக்கிய மக்களின் பல்வேறு கோரிக்கைகளை பிரதமா் மோடி தொடா்ந்து நிறைவேற்றி வருகிறாா். சீக்கிய மக்களுக்காக பிரதமா் நரேந்திர மோடி செய்ததுபோன்ற நற்காரியங்களை வேறு எந்தத் தலைவரும் செய்ததில்லை என்றாா்.

ADVERTISEMENT

இந்த நிகழ்ச்சியில் உத்தர பிரதேச முதல்வா் யோகி ஆதித்யநாத், துணை முதல்வா் கேசவ் பிரசாத் மௌரியா, பாஜக மாநில தலைவா் ஸ்வதந்திர தேவ் சிங் உள்ளிட்டோா் பங்கேற்றனா்.

முன்னதாக, கான்பூரில் பாஜக மண்டல அலுவலகத்தையும் ஜெ.பி.நட்டா திறந்து வைத்தாா்.

 

ADVERTISEMENT
ADVERTISEMENT