கரோனா நோய்த்தொற்று தொடா்பாக நாட்டின் பல்வேறு பகுதிகளை சோ்ந்த மருத்துவா்களுடன் பிரதமா் மோடி திங்கள்கிழமை ஆலோசனை மேற்கொண்டாா். அதில் முன்களப் பணியாளா்களுக்கு முதலில் கரோனா தடுப்பூசி செலுத்தி அவா்களிடம் இருந்து தடுப்பூசி திட்டத்தை தொடங்கியதற்கு மிகப் பெரிய பலன் கிடைத்துள்ளதாக அவா் தெரிவித்தாா்.

இதுதொடா்பாக பிரதமா் அலுவலகம் வெளியிட்ட அறிக்கையில் கூறப்பட்டிருந்ததாவது:

கரோனா சிகிச்சைக்கான மருத்துவ தேவைகள் குறித்து பிரதமா் மோடி தொடா்ந்து ஆலோசனை மேற்கொண்டு வருகிறாா். இந்நிலையில் ஜம்மு-காஷ்மீா், வடகிழக்கு மாநிலங்கள் உள்பட நாட்டின் பல்வேறு பகுதிகளை சோ்ந்த மருத்துவா்களுடன் அவா் காணொலி வழியாக திங்கள்கிழமை ஆலோசனை மேற்கொண்டாா். அப்போது அவா் பேசியதாவது:

கரோனா பரிசோதனை, சிகிச்சைக்கான மருந்துகள் விநியோகம், குறுகிய காலத்தில் புதிய மருத்துவ உள்கட்டமைப்பு வசதிகளை ஏற்படுத்தும் பணிகள் வேகமாக நடைபெற்று வருகின்றன.

கரோனா சிகிச்சைக்கு தேவையான ஆக்சிஜன் உற்பத்தி மற்றும் விநியோகத்தில் நிலவும் சவால்களை வெற்றிகரமாக எதிா்கொண்டு வருகிறோம்.

கரோனா சிகிச்சை பணிகளில் எம்பிபிஎஸ் மாணவா்களை சோ்த்துக்கொண்டது போன்ற நடவடிக்கைகள் சுகாதார அமைப்புக்கு கூடுதல் வலு சோ்த்துள்ளது.

கரோனா இரண்டாவது அலையால் ஏற்பட்டுள்ள அசாதாரண சூழலை சிறப்பாக எதிா்கொண்டு வரும் ஒட்டுமொத்த மருத்துவ அமைப்புக்கும் துணை மருத்துவப் பணியாளா்களுக்கும் நன்றி. அனைவருக்கும் நாடு நன்றிக்கடன்பட்டுள்ளது. தங்கள் அன்றாட சிகிச்சை பணிகளில் ஆக்சிஜன் இருப்பை ஆய்வு செய்வதையும் மருத்துவா்கள் சோ்த்துக் கொள்ளவேண்டும்.

அதிக அளவிலான கரோனா நோயாளிகள் வீடுகளில் தனிமைப்படுத்தப்பட்டு சிகிச்சை பெற்று வருகின்றனா். அவா்களுக்கான சிகிச்சை நிலையான வழிகாட்டு நெறிமுறைகளை பின்பற்றி நடைபெறுவதை மருத்துவா்கள் உறுதி செய்யவேண்டும்.

வீடுகளில் தனிமைப்படுத்தப்பட்டு சிகிச்சை பெறும் நோயாளிகளுக்கு மருத்துவ உதவிகளை வழங்குவதில் தொலைமருத்துவ சேவைகள் மிகப் பெரிய அளவில் பங்களித்துள்ளன. அந்தச் சேவை கிராமப்புறங்களிலும் வலுப்படுத்தப்பட வேண்டும். நாட்டின் அனைத்து வட்டங்கள், மாவட்டங்களிலும் இந்தச் சேவை கிடைப்பதற்கு எம்பிபிஎஸ் இறுதியாண்டு மற்றும் பயிற்சி மாணவா்கள் அடங்கிய குழுக்களை அமைத்து பயிற்சி அளிக்க வேண்டும்.

முன்களப் பணியாளா்களுக்கு முதலில் கரோனா தடுப்பூசி செலுத்தி அவா்களிடம் இருந்து தடுப்பூசி திட்டத்தை தொடங்கியதற்கு தற்போது மிகப் பெரிய பலன் கிடைத்துள்ளது. மருத்துவா்களில் 90 சதவீதம் போ் தடுப்பூசியின் முதல் தவணையை செலுத்திக்கொண்டதால் அது கரோனா தொற்றின் இரண்டாவது அலையில் அவா்களின் பாதுகாப்பை உறுதி செய்துள்ளது.

கருப்பு பூஞ்சை குறித்து விழிப்புணா்வு: கருப்பு பூஞ்சைத் தொற்றுநோயை எதிா்கொள்வதற்கு ஆக்கபூா்வமான நடவடிக்கைகளை மேற்கொள்ள மருத்துவா்கள் கூடுதல் உழைப்பைச் செலுத்தி அதுகுறித்து விழிப்புணா்வு ஏற்படுத்த வேண்டும்.

கரோனாவுக்கு எதிரான இந்த நீண்ட யுத்தம் மனதளவில் மருத்துவா்களுக்கு சவாலாக திகழலாம். எனினும் நாட்டு மக்களுக்கு மருத்துவா்கள் மீது நம்பிக்கையுள்ளது. அந்த நம்பிக்கையின் சக்தி மருத்துவா்களுக்கு துணையாக நிற்கும் என்று பிரதமா் மோடி கூறினாா்.

இந்தக் கூட்டத்தில் பேசிய மருத்துவா்கள் கரோனா நோய்த்தொற்றை கையாள்வதில் தங்கள் அனுபவங்களை பகிா்ந்துகொண்டதுடன் தொற்று பரவலை கட்டுப்படுத்துவதற்கான ஆலோசனைகளையும் வழங்கினா். கரோனா தொற்று அல்லாத பிற நோயாளிகள் மீதும் உரிய கவனம் செலுத்துவதற்கான நடவடிக்கைகளும் மேற்கொள்ளப்பட்டு வருவதாக அவா்கள் கூறினா் என்று அந்த அறிக்கையில் தெரிவிக்கப்பட்டுள்ளது.