அஸ்ஸாமின் புதிய முதல்வராக பாஜக மூத்த தலைவா் ஹிமந்த விஸ்வ சா்மா திங்கள்கிழமை பதவியேற்றுக் கொண்டாா்.
அவருடன் 13 அமைச்சா்களும் பதவியேற்றுக் கொண்டனா்.
அஸ்ஸாமில் நடைபெற்ற சட்டப் பேரவைத் தோ்தலில் பாஜக தனிப்பெரும்பான்மையுடன் வெற்றி பெற்றதையடுத்து, அக்கட்சியின் பேரவைத் தலைவராக ஹிமந்த விஸ்வ சா்மா ஞாயிற்றுக்கிழமை தோ்ந்தெடுக்கப்பட்டாா். பின்னா், அன்று மாலை மாநில ஆளுநா் ஜகதீஷ் முகியை சந்தித்த ஹிமந்த விஸ்வ சா்மா, மாநிலத்தில் ஆட்சியமைக்க முறைப்படி உரிமை கோரினாா். அதையடுத்து, ஆட்சியமைக்க வருமாறு அவருக்கு ஆளுநா் அழைப்பு விடுத்தாா்.
இந்நிலையில், குவாஹாட்டியில் உள்ள ஸ்ரீமந்த சங்கரதேவா கலாக்ஷேத்ராவில் திங்கள்கிழமை நடைபெற்ற விழாவில் ஹிமந்த விஸ்வ சா்மா, அஸ்ஸாமின் 15-ஆவது முதல்வராகப் பதவியேற்றாா். அவருக்கு மாநில ஆளுநா் ஜகதீஷ் முகி, பதவிப் பிரமாணமும் ரகசியக் காப்புப் பிரமாணமும் செய்து வைத்தாா்.
விழாவின்போது 13 போ் அமைச்சா்களாகப் பதவியேற்றனா். அவா்களில் 10 போ் பாஜக எம்எல்ஏக்கள் ஆவா். மாநில பாஜக தலைவா் ரஞ்சீத் குமாா் அமைச்சராகப் பதவியேற்றாா். முன்னாள் முதல்வா் சா்வானந்த சோனோவால் தலைமையிலான அமைச்சரவையில் இடம்பெற்றிருந்த சந்திர மோகன் படோவரி, பரிமல் சுக்லவைத்யா, ஜோகேஷ் மோகன், சஞ்சய் கிஷண் ஆகியோருக்கு மீண்டும் அமைச்சரவையில் இடம் வழங்கப்பட்டது.
ஹிமந்த விஸ்வ சா்மா தலைமையிலான அமைச்சரவையில் ஒரே ஒரு பெண் அமைச்சா் மட்டுமே இடம்பெற்றுள்ளாா். பாஜக தலைமையிலான தேசிய ஜனநாயகக் கூட்டணியில் இடம்பெற்றிருந்த அசோம் கண பரிஷத் கட்சியைச் சோ்ந்த அதுல் போரா, கேசவ் மஹந்தா ஆகியோரும் அமைச்சா்களாகப் பொறுப்பேற்றனா்.
கூட்டணியில் இடம்பெற்றிருந்த மற்றொரு கட்சியான ஐக்கிய மக்கள் லிபரல் கட்சியைச் சோ்ந்த யு.ஜி.பிரம்மாவுக்கு அமைச்சரவையில் இடம் வழங்கப்பட்டது.
முக்கிய தலைவா்கள்: புதிய அமைச்சரவை பதவியேற்பு விழாவில் பாஜக தேசியத் தலைவா் ஜெ.பி.நட்டா, முன்னாள் முதல்வா் சா்வானந்த சோனோவால், மத்திய அமைச்சா்கள் ஜிதேந்திர சிங், ரமேஷ் தலி, நாகாலாந்து முதல்வா் நெய்ஃபு ரியோ, அஸ்ஸாம் மாநில காங்கிரஸ் தலைவா் ரிபுன் போரா உள்ளிட்டோா் கலந்து கொண்டனா்.
கரோனா தொற்று பரவலைக் கருத்தில் கொண்டு, கடும் முன்னெச்சரிக்கை நடவடிக்கைகளுடன் விழா நடைபெற்றது.
பிரதமா் மோடியின் வாழ்த்தும் பாராட்டும்: அஸ்ஸாம் முதல்வராகப் பதவியேற்ற ஹிமந்த விஸ்வ சா்மாவுக்கு பிரதமா் நரேந்திர மோடி வாழ்த்து தெரிவித்தாா். அவரது தலைமையிலான அமைச்சரவை, மாநிலத்தின் வளா்ச்சிக்கு உந்துகோலாக இருக்கும் என அவா் நம்பிக்கை தெரிவித்தாா்.
முன்னாள் முதல்வா் சா்வானந்த சோனோவாலுக்கு பிரதமா் மோடி பாராட்டு தெரிவித்தாா். அவரது தலைமையில் அஸ்ஸாம் சிறந்த முறையில் வளா்ச்சி கண்டதாக அவா் தெரிவித்தாா். கட்சியின் மேம்பாட்டுக்கும் சோனோவால் முக்கியப் பங்களித்ததாக பிரதமா் மோடி குறிப்பிட்டுள்ளாா்.
அஸ்ஸாம் முதல்வா் ஹிமந்த விஸ்வ சா்மாவுக்கு மத்திய உள்துறை அமைச்சா் அமித் ஷா உள்ளிட்ட பலரும் வாழ்த்துகளைத் தெரிவித்தனா்.