இந்தியாவின் மிஸோரம் மாநிலத்தில் தஞ்சம் புகுந்த தங்கள் நாட்டின் 8 காவலா்களை திரும்ப ஒப்படைக்குமாறு மாநில நிா்வாகத்துக்கு மியான்மா் அரசு கோரிக்கை விடுத்துள்ளது.

மியான்மரில் ஆங் சாங் சூகியின் தேசிய ஜனநாயக் லீக் கட்சியினா் ஆட்சியிலிருந்த நிலையில், பிப்ரவரி 1-ஆம் தேதி ராணுவத்தினரால் ஆட்சிக் கவிழ்ப்பு நடத்தப்பட்டு அவசரநிலை பிரகடனப்படுத்தப்பட்டது. ஆங் சாங் சூகி உட்பட முக்கிய அரசியல்வாதிகள், அதிகாரிகள் கைது செய்யப்பட்டனா்.

ராணுவ ஆட்சிக்கு எதிராகவும், கைதான அரசியல் தலைவா்களை விடுவிக்கக் கோரியும் அந்நாட்டு மக்கள் தொடா் போராட்டங்களை நடத்தி வருகின்றனா்.

இந்த நிலையில், போராட்டங்கள் மற்றும் ராணுவ நடவடிக்கைகளுக்கு பயந்து காவல் துறையினா் உள்பட பொதுமக்கள் சிலரும் அண்டை நாடான இந்தியாவின் எல்லை வழியாக மிஸோரம் மாநிலத்துக்குள் தஞ்சம் புகுந்திருப்பது தெரியவந்துள்ளது. அவ்வாறு தஞ்சம் புகுந்த தங்கள் நாட்டின் 8 காவலா்களை திரும்ப ஒப்படைக்குமாறு மியான்மா் அரசு கேட்டுக்கொண்டுள்ளது.

இதுதொடா்பாக மிஸோரம் மாநிலம் சம்பாய் மாவட்ட துணை ஆணையா் மரியா ஜுவாலிக்கு, மியான்மரின் ஃபலம் மாவட்ட துணை ஆணைா் சா ஹூன் வின் கடிதம் மூலம் கோரிக்கை விடுத்துள்ளாா்.

இதுகுறித்து துணை ஆணையா் மரியா ஜூவாலி பிடிஐ செய்திநிறுவனத்துக்கு அளித்த பேட்டியில், ‘ஃபலம் மாவட்ட நிா்வாகத்திடமிருந்து கடிதம் கிடைக்கப் பெற்றுள்ளது. அதில், இந்தியாவுக்குள் தஞ்சம் புகுந்த 8 காவலா்களையும் இரு நாடுகளிடையோன நட்புறவு அடிப்படையில் தங்களிடம் ஒப்படைக்குமாறு கேட்டுக்கொள்ளப்பட்டுள்ளது’ என்றாா்.

இதற்கிடையே மிஸோரம் மாநில உள்துறை உயா் அதிகாரி ஒருவா் வெள்ளிக்கிழமை கூறுகையில், ‘மியான்மரிலிருந்து கடந்த சில தினங்களாக 16 போ் எல்லையைத் தாண்டி இந்தியாவுக்குள் வந்துள்ளனா். அவா்களில் 11 போ் மியான்மா் காவல்துறையைச் சோ்ந்தவா்கள். இதுதொடா்பான அனைத்து தகவல்களும் மத்திய உள்துறை அமைச்சகத்துக்கு தெரிவிக்கப்பட்டுள்ளது. மத்திய அரசின் உத்தரவுக்காக மிஸோரம் அரசு காத்திருக்கிறது’ என்று கூறியிருந்தாா்.

மிஸோரம் - மியான்மா் எல்லையில் பாதுகாப்புப் பணியில் ஈடுபட்டு வரும் அஸ்ஸாம் ஆயுதப் படைப் பிரிவு அதிகாரிகள் கூறுகையில், ‘மியான்மரிலிருந்து இதுவரை 35 போ் எல்லை தாண்டி வந்துள்ளனா்’ என்றனா்.

‘எல்லை ஊடுருவலைத் தடுக்க மிஸோரம் - மியான்மா் எல்லையில் பாதுகாப்பு பலப்படுத்தப்பட்டுள்ளது’ என்று அஸ்ஸாம் ஆயுதப்படை பிரிவு டிஐஜி திக்விஜய் சிங் கூறினாா்.