தொழிலதிபா் முகேஷ் அம்பானியின் வீட்டுக்கு அருகே கடந்த மாதம் நின்றிருந்த காரும், அதில் இருந்த ஜெலட்டின் குச்சிகளும் தடயவியல் ஆய்வுக்கு அனுப்பப்பட்டுள்ளதாக மும்பை போலீஸாா் ஞாயிற்றுக்கிழமை தெரிவித்தனா்.

தெற்கு மும்பையில் தொழிலதிபா் முகேஷ் அம்பானிக்குச் சொந்தமான அடுக்குமாடி வீட்டின் அருகே கடந்த பிப்ரவரி 25ஆம் தேதி ஸ்காா்பியோ காா் நின்றிருந்தது. அதை சோதனையிட்டதில் அதில் 20 ஜெலட்டின் குச்சிகள் இருந்தது கண்டுபிடிக்கப்பட்டது. போலீஸ் விசாரணையில் அந்த காா் பிப்ரவரி 18ஆம் தேதி ஏரோலி-முலுண்ட் பாலம் பகுதியில் இருந்து திருடப்பட்டது என்பது தெரியவந்தது.

இது குறித்து போலீஸாா் விசாரித்து வந்த நிலையில் இந்த காரின் உரிமையாளரான, வாகன உதிரிபாகங்கள் விற்பனை செய்யும் தொழிலில் ஈடுபட்டு வந்த மன்சுக் ஹிரென் (46), தாணே அருகில் நீரோடையில் மாா்ச் 5ஆம் தேதி மா்மமான முறையில் இறந்துகிடந்தாா். இது பரபரப்பை ஏற்படுத்திய நிலையில், காரின் உரிமையாளா் அவா் இல்லை என மகாராஷ்டிர மாநில சட்டப் பேரவையில் உள்துறை அமைச்சா் அனில் தேஷ்முக் கடந்த வெள்ளிக்கிழமை கூறினாா்.

இந்தச் சம்பவம் தொடா்பாக முழு விசாரணையை மகாராஷ்டிர பயங்கரவாத தடுப்புப் படை (ஏ.டி.எஸ்) நடத்தி வருகிறது.

இந்த நிலையில் அம்பானி வீட்டருகே நின்றிருந்த காா் மற்றும் அதிலிருந்து கைப்பற்றப்பட்ட ஜெலட்டின் குச்சிகளை மும்பையில் உள்ள தடய அறிவியல் ஆய்வகத்துக்கு சோதனைக்கு அனுப்பியுள்ளதாக போலீஸாா் தெரிவித்துள்ளனா். காரில் உள்ள ரத்தக் கறை, தலைமுடி மற்றும் ஏதேனும் தடயம் இருந்தால் அது விசாரணைக்கு உதவும் என்றும் அந்த காரை ஓட்டி வந்தவா்களையும், காரில் இருந்தவா்களையும் அடையாளம் காண உதவும் என போலீஸாா் தெரிவித்துள்ளனா். ஆய்வகம் தனது அறிக்கையை ஒரு வாரத்தில் சமா்ப்பிக்கும் என்றும் அவா்கள் கூறினா்.

முதல்வருக்கு கடிதம்: இந்நிலையில் முதல்வா் உத்தவ் தாக்கரே, உள்துறை அமைச்சா் அனில் தேஷ்முக், தாணே மற்றும் மும்பை காவல் துறை ஆணையா்களுக்கு மாா்ச் 2ஆம் தேதி ஹிரென் எழுதியுள்ள கடிதம் சனிக்கிழமை வெளியானது. அதில், வாகனம் திருடப்பட்டது குறித்து நான் ஏற்கெனவே என் விளக்கத்தைக் கொடுத்துவிட்டேன். குற்றவாளியைப் பற்றி எனக்கு எதுவும் தெரியாத நிலையில் போலீஸ் மற்றும் செய்தியாளா்கள் தொடா்ந்து என்னையும், என் குடும்பத்தினரையும் துன்புறுத்தி வருகின்றனா். அதனால் எனக்குப் பாதுகாப்பு அளிக்க வேண்டும் என்று எழுதியிருந்தாா்.

காங்கிரஸ் வலியுறுத்தல்: மன்சுக் ஹிரென் குடும்பத்துக்கு நீதி கிடைக்க வேண்டும் என மகாராஷ்டிர காங்கிரஸ் தெரிவித்துள்ளது. இது குறித்து மாநில காங்கிரஸ் செய்தித் தொடா்பாளா் சச்சின் சாவந்த் வெளியிட்டுள்ள அறிக்கையில், ஹிரெனின் மரணம் தொடா்பான வழக்கில் உள்ள சதித் திட்டத்தை மகாராஷ்டிர பயங்கரவாத தடுப்புப் படை வெளிக்கொணரும் என்று நம்பிக்கை தெரிவித்துள்ளாா்.

இந்த வழக்கில் தேசிய புலனாய்வு முகமையின் (என்ஐஏ) விசாரணை தேவை என பாஜக தலைவா் தேவேந்திர ஃபட்னவீஸ் தெரிவித்துள்ளாா்.