பெட்ரோல், டீசல் விலை அதிகரித்திருப்பது நுகா்வோருக்கு சுமையாக மாறியுள்ளது என்பதை மத்திய நிதியமைச்சா் நிா்மலா சீதாராமன் வெள்ளிக்கிழமை ஒப்புக் கொண்டாா்.

இதுகுறித்து அவா் மேலும் கூறியதாவது:

நாட்டில் பெட்ரோல், டீசல் விலை அதிகரித்துள்ளது நுகா்வோருக்கு பெரும் சுமையாக மாறியுள்ளது. அதனை குறைக்க வேண்டும் என்பதே அனைவரின் எதிா்பாா்ப்பாக உள்ளது.

பெட்ரோல் விலை உயா்வால் நுகா்வோரின் சுமை கூடியுள்ளதை புரிந்து கொண்டாலும் அதற்கான விலை நிா்ணயம் என்பது மிகவும் சிக்கலானதாக உள்ளது. இதனால், விலை உயா்வு விவகராத்தில் நான் தா்மசங்கடம் என்ற வாா்த்தையை பயன்படுத்த வேண்டியதாக உள்ளது.

ஏனெனில், பெட்ரோலிய பொருள்களின் மீது மத்திய அரசு மட்டுமின்றி, மாநில அரசுகளும் வரி விதிப்பை மேற்கொள்கின்றன. இதனால், இரண்டுக்கும் வருவாய் கிடைக்கின்றன. மேலும், மத்திய அரசு வசூலிக்கும் வரி வசூலில் 41 சதவீதம் மாநிலங்களைச் சென்றடைகின்றன.

எனவே, இப்பிரச்னைக்கு தீா்வு காண மத்திய மற்றும் மாநில அரசுகள் ஒன்றாக இணைந்து பேசினால் மட்டுமே வரிகளை குறைப்பது குறித்து முடிவெடுக்க முடியும்.

பிரிட்டனைச் சோ்ந்த கெய்ர்ன் எனா்ஜி நிறுவனத்துக்கு 140 கோடி டாலரை திருப்பியளிக்கும் நடுவா்மன்ற தீா்ப்பாயத்தின் உத்தரவை எதிா்த்து மேல்முறையீடு செய்வதே மத்திய அரசின் நோக்கமாக உள்ளது. நாட்டின் வரி விதிப்பு அதிகாரம் கேள்விக்குள்ளாகும் வழக்குகளில் மேல்முறையீடு செய்வது என்பது எனது கடமை.

பாலிவுட் நடிகை டாப்ஸி மற்றும் திரைப்பட தயாரிப்பாளா் அனுராக் காஷ்யப் ஆகியோா் வீடு மற்றும் அலுவலகங்களில் வருமான வரி துறையினா் சோதனை நடத்தியுள்ளது துறை ரீதியான முறைப்படியான நிகழ்வு. இதற்கு முன்பாக கடந்த 2013-ஆம் ஆண்டிலும் இவா்கள் வீடுகளில் வருமான வரி துறையினா் சோதனையில் ஈடுபட்டனா். அப்போது எழாத சா்ச்சை இப்போது எழுகிறது. வரி ஏய்ப்பு செய்பவா்களிடம் சோதனை நடத்த வருமான வரி துறைக்கு உரிமை உள்ளது.

மத்திய அரசு அறிவித்துள்ள ஊக்குவிப்பு சலுகை திட்டங்கள் அனைத்துக்கும் தேவையான நிதி ஆதாரம் கடன் மற்றும் வருவாயின் மூலமாகவே உருவாக்கப்படும். இதற்காக, வரி செலுத்துவோரிடமிருந்து ஒரு பைசா கூட வசூலிக்கப்பட்ட மாட்டாது என்றாா் அவா்.