இந்தியா

மகாராஷ்டிரத்தில் புதிதாக 10,891 பேருக்கு கரோனா

8th Jun 2021 08:23 PM

ADVERTISEMENT


மகாராஷ்டிரத்தில் கடந்த 24 மணி நேரத்தில் புதிதாக 10,891 பேருக்கு கரோனா வைரஸ் நோய்த் தொற்று இருப்பது உறுதி செய்யப்பட்டுள்ளது.

மகாராஷ்டிர கரோனா பாதிப்பு நிலவரம் பற்றிய தரவுகளை மாநில சுகாதாரத் துறை வெளியிட்டுள்ளது. புதிதாக 10,891 பேருக்கு நோய்த் தொற்று இருப்பது உறுதி செய்யப்பட்டதையடுத்து, மாநிலத்தில் மொத்தம் பாதித்தோர் எண்ணிக்கை 58,52,891 ஆக உயர்ந்துள்ளது.

கடந்த 24 மணி நேரத்தில் மேலும் 16,577 பேர் நோய்த் தொற்றிலிருந்து குணமடைந்து வீடு திரும்பியுள்ளனர். 295 பேர் நோய்த் தொற்றுக்கு பலியாகியுள்ளனர்.

இதுவரை மொத்தம் 55,80,925 பேர் நோய்த் தொற்றிலிருந்து குணமடைந்து வீடு திரும்பியுள்ளனர். 1,01,172 பேர் நோய்த் தொற்றுக்கு பலியாகியுள்ளனர்.

ADVERTISEMENT

இன்றைய நிலவரப்படி 1,67,927 பேர் இன்னும் நோய்த் தொற்றுக்கான சிகிச்சை பெற்று வருகின்றனர்.

தாராவி:

ஆசியாவின் மிகப் பெரிய குடிசைப் பகுதியான மும்பை தாராவியில் புதிதாக 6 பேருக்கு நோய்த் தொற்று இருப்பது உறுதி செய்யப்பட்டுள்ளது. இதைத் தொடர்ந்து, தாராவிப் பகுதியில் மொத்தம் பாதித்தோர் எண்ணிக்கை 6,844 ஆக உயர்ந்துள்ளது. இதில் 6,465 பேர் நோய்த் தொற்றிலிருந்து குணமடைந்துள்ளனர். இதன்மூலம், இன்னும் 20 பேர் மட்டுமே நோய்த் தொற்றுக்கு சிகிச்சை பெற்று வருகின்றனர். தாராவியில் கடந்த மே 31 முதல் தினசரி பாதிப்பு 1 முதல் 3 வரை மட்டுமே பதிவாகி வந்தது குறிப்பிடத்தக்கது.

Tags : coronavirus
ADVERTISEMENT

MORE FROM THE SECTION

ADVERTISEMENT