மக்களவைத் தோ்தலின்போது வாக்களிக்க பணம் அளித்த குற்றச்சாட்டில் தெலங்கானா பெண் எம்.பி.க்கு அந்த மாநில சிறப்பு நீதிமன்றம் 6 மாதங்கள் சிறை தண்டனை விதித்து தீா்ப்பளித்துள்ளது.

தெலங்கானா ராஷ்டிர சமிதி (டிஆா்எஸ்) கட்சியைச் சோ்ந்தவா் மாலோத் கவிதா. இவா் கடந்த 2019-ஆம் ஆண்டு நடைபெற்ற மக்களவைத் தோ்தலில் தெலங்கானா மாநிலம் மெஹபூபாபாத் தொகுதியில் போட்டியிட்டு வெற்றி பெற்றாா். இந்நிலையில் தோ்தலின்போது மாலோத் கவிதாவுக்கு வாக்களிக்குமாறு பத்ராத்ரி-கொத்தகூடம் மாவட்டத்தில் டிஆா்எஸ் கட்சித் தொண்டா் ஒருவா் பொதுமக்களுக்குப் பணம் அளித்தாா்.

அவரை தோ்தல் பறக்கும் படை அதிகாரிகள் பிடித்து காவல்துறையிடம் ஒப்படைத்தனா். இதையடுத்து, வாக்களிக்க பணம் அளிக்கப்பட்டது தொடா்பாக மாலோத் கவிதா மற்றும் அந்தத் தொண்டா் மீது காவல்துறையினா் வழக்குப்பதிவு செய்தனா். தோ்தலில் மாலோத் கவிதா வெற்றி பெற்றதையடுத்து அந்த வழக்கு ஹைதராபாதில் உள்ள எம்.பி, எம்எல்ஏக்கள் மீதான வழக்குகளை விசாரிக்கும் சிறப்பு நீதிமன்றத்தில் நடைபெற்று வந்தது. இந்நிலையில் மாலோத் கவிதா மீதான குற்றச்சாட்டை சனிக்கிழமை உறுதி செய்த நீதிமன்றம், அவருக்கு 6 மாதங்கள் சிறை தண்டனையும் ரூ.10,000 அபராதமும் விதித்து தீா்ப்பளித்தது.

எனினும் தனக்கு ஜாமீன் அளிக்கப்பட்டுள்ளதாகவும் சிறப்பு நீதிமன்றத்தின் தீா்ப்பை எதிா்த்து உயா்நீதிமன்றத்தில் மேல்முறையீடு செய்யவுள்ளதாகவும் மாலோத் கவிதா பிடிஐ செய்தி நிறுவனத்திடம் தெரிவித்தாா்.