இந்தியா

தடைகளை மீறி தில்லி செங்கோட்டைக்குள் நுழைந்த விவசாயிகள்!

26th Jan 2021 01:56 PM

ADVERTISEMENT

டிராக்டர்களுடன் தில்லிக்குள் நுழைந்த விவசாயிகள் தில்லி செங்கோட்டையை வந்தடைந்தனர். 

புதிய வேளாண் சட்டங்களுக்கு எதிராக 60 நாள்களுக்கும் மேலாக தில்லி எல்லையில் போராட்டம் நடத்தி வரும் விவசாயிகள் இன்று மாபெரும் டிராக்டர் பேரணியை முன்னெடுத்துள்ளனர். 

தில்லி - சிங்கு எல்லை, ஹரியாணா- திக்ரி எல்லை, உத்தரப்பிரதேசம் - காசியாபாத், ராஜஸ்தான் - ஷாஜஹான்பூர், பஞ்சாப் - லூதியானா ஆகிய 5 மாநில எல்லைகளில் இருந்து லட்சக்கணக்கான விவசாயிகள் தில்லியை நோக்கி படையெடுத்துள்ளனர். சுமார் 3 லட்சம் டிராக்டர்களுடன் விவசாயிகள் நடந்தும், டிராக்டர்களிலும் மத்திய தில்லியை நோக்கிச் சென்று கொண்டிருக்கின்றனர். 

இதற்கிடையே தில்லியில் பல்வேறு இடங்களில் நுழைந்த விவசாயிகள் மீது காவல்துறை தடியடி நடத்தியும், கண்ணீர் புகை குண்டுகளை வீசியும் தடுத்து வருகிறது. குடியரசு தினத்தையொட்டி, முக்கிய பகுதிகளில் நுழையக்கூடாது என்று காவல்துறை கட்டுப்பாடுகளை விதித்திருந்தது. ஆனால், தடுப்புகளை மீறி விவசாயிகள் தற்போது தில்லி செங்கோட்டை பகுதியை அடைந்துள்ளனர். மேலும் தில்லி செங்கோட்டையை முற்றுகையிட்டுள்ளனர். 

ADVERTISEMENT

விவசாயிகள் - காவல்துறையினர் இடையேயான மோதல் காரணமாக தில்லி வன்முறைக் களமாக மாறியுள்ளது. தில்லியில் பல்வேறு மெட்ரோ ரயில் நிலையங்கள் தற்காலிகமாக மூடப்படுவதாக அறிவிக்கப்பட்டுள்ளது. விவசாயிகளின் பேரணியை தடுக்க முடியாமல் காவல்துறையினர் திணறி வருகின்றனர். 

Tags : farmers protest
ADVERTISEMENT

MORE FROM THE SECTION

ADVERTISEMENT