வேளாண் சட்டங்களுக்கு எதிராகப் போராடும் விவசாயிகளின் குரலை ஒடுக்குவதற்கு மத்திய பிரதேச அரசு முயற்சி செய்வதாக, மாநில காங்கிரஸ் தலைவரும், முன்னாள் முதல்வருமான கமல்நாத் குற்றம்சாட்டினாா்.

மத்திய பிரதேச தலைநகா் இந்தூரில் இருந்து 50 கி.மீ. தொலைவில் உள்ள தேபால்பூரில் கமல்நாத் தலைமையில் ஞாயிற்றுக்கிழமை டிராக்டா் பேரணி நடைபெற்றது. விவசாயத் தொழில் அதிகம் நடைபெறும் அந்தப் பகுதியில் மத்திய அரசின் புதிய வேளாண் சட்டங்களை எதிா்த்து அந்தப் பேரணி நடைபெற்றது. அதில், கமல்நாத் டிராக்டரை இயக்கி, பேரணியை வழிநடத்தினாா். பின்னா் செய்தியாளா்களிடம் அவா் கூறியதாவது:

அதிக விவசாயிகளைக் கொண்டது நம் நாடு. இதை ஆளும் பாஜக அரசு புரிந்துகொள்ளவில்லை. மத்திய பிரதேசத்தில் ஆளும் பாஜக அரசு, விவசாயிகளின் குரலை ஒடுக்க முயற்சி செய்கிறது.

புதிய வேளாண் சட்டங்கள் மூலமாக, வேளாண் துறையை தனியாா்மயமாக்க மத்திய அரசு முயற்சி செய்து வருகிறது. அந்தச் சட்டங்களை எதிா்த்து லட்சக்கணக்கான விவசாயிகள் பல நாள்களாகப் போராடி வருகின்றனா். இந்த சட்டங்கள், மாநிலத்தின் பொருளாதாரத்தையும், நாட்டின் பொருளாதாரத்தையும் சீரழித்துவிடும்.

மாநிலத்தில் மொரீனா மாவட்டத்தில் கள்ளச் சாராயம் குடித்து 24 போ் அண்மையில் உயிரிழந்தனா். பெண்களுக்கு எதிரான குற்றமும், வேலையின்மையும் அதிகரித்துள்ளது. எனவே, மக்கள் உண்மையைப் புரிந்துகொண்டு, பாதுகாப்பான எதிா்காலத்தை உறுதிசெய்ய உண்மைக்கு ஆதரவளிக்க வேண்டும் என்றாா் அவா்.