தேஜ்பூா்: நாட்டின் கிழக்கு பகுதியில் இருந்து வரும் எந்தவித சவாலையும் எதிா்கொள்ள அஸ்ஸாமின் தேஜ்பூா் விமானப் படைத் தளம் தயாராகவும், முழு பலத்துடனும் உள்ளது என்று அந்த விமானப் படைத் தளத்தின் புதிய அதிகாரி தா்மேந்திர சிங் டாங்கி கூறினாா்.

தேஜ்பூா் விமானப் படைத் தளத்தின் புதிய அதிகாரியாக (ஏஒசி) டாங்கி புதன்கிழமை பொறுப்பேற்றாா். பின்னா் அவா் செய்தியாளா்களுக்கு அளித்த பேட்டியில் கூறியதாவது:

இந்திய விமானப்படை எந்தவித சவாலையும் எதிா்கொள்ளும் வகையில் பலத்திலும், திறனிலும் சிறந்த வளா்ச்சி கண்டுள்ளது. நாட்டின் கிழக்கு பகுதியில் இருந்து வரும் எந்தவொரு சவாலையும் எதிா்கொள்ள தேஜ்பூா் விமானப் படைத் தளமும் தயாராகவும், முழு பலத்துடனும் உள்ளது என்று கூறினாா்.

தேசிய ராணுவ அகாதெமி மாணவரான டாங்கி, இந்திய விமானப் படையின் போா் விமானப் பிரிவில் 1992-ஆம் ஆண்டு டிசமபா் 19-ஆம் தேதி இணைந்தாா். தேஜ்பூா் விமானப் படைத் தளத்தில் கடந்த 2009 முதல் 2011-ஆம் ஆண்டு வரை பணியாற்றியுள்ளாா். போா் விமானத்தில் 3,000 மணி நேரத்துக்கும் மேல் பறந்த அனுபவம் உள்ளவா். ரஃபேல் போா் விமானம் இந்திய விமானப் படையில் இணைக்கப்படும் வரை, ஃபிரான்சில் ரஃபேல் திட்ட மேலாண்மைக் குழுவின் தலைவராக டாங்கி செயலாற்றி வந்தாா். டைகா் மோத், மிக்-21, மிக்-27, சு-30 எம்கேஐ போா் விமானங்களை இவா் இயக்கியுள்ளாா்.