நாடாளுமன்ற குளிர்காலக் கூட்டத் தொடரில் மக்களவையில் கேள்வி நேரத்தின்போது காங்கிரஸ், திமுக எம்.பி.க்கள் வெளிநடப்பு செய்தனர்.

நாடாளுமன்ற குளிர்காலக் கூட்டத் தொடர் திங்கள்கிழமை தொடங்கி நடைபெற்று வருகிறது. கூட்டத் தொடரின் 3-ம் நாளான இன்று (புதன்கிழமை) மக்களவையில் கேள்வி நேரத்தின்போது மக்களவை காங்கிரஸ் தலைவர் அதீர் ரஞ்சன் சௌதரி, வேளாண் சட்டங்களுக்கு எதிரான போராட்டத்தில் உயிரிழந்த விவசாயிகள் பிரச்னையை எழுப்பினார். எதிர்க்கட்சி எம்.பி.க்கள் நீதி வேண்டும் என முழக்கம் எழுப்பத் தொடங்கினர்.

இதையும் படிக்க | எதிர்க்கட்சிகள் அமளி: மாநிலங்களவை பிற்பகல் 12 மணிவரை ஒத்திவைப்பு

இதையடுத்து, திமுக, காங்கிரஸ் எம்.பி.க்கள் மக்களவையிலிருந்து வெளிநடப்பு செய்தனர்.

இதைத் தொடர்ந்து, எதிர்க்கட்சியினர் தொடர் அமளியில் ஈடுபட்டதால் மாநிலங்களவையைத் தொடர்ந்து மக்களவையும் நண்பகல் 12 மணி வரை ஒத்திவைக்கப்பட்டது.