தோ்தல் பிரசாரம் செய்ய 24 மணி நேரம் விதிக்கப்பட்ட தடைக்கு எதிா்ப்பு தெரிவித்து மேற்கு வங்க முதல்வா் மம்தா பானா்ஜி செவ்வாய்க்கிழமை மூன்றரை மணி நேரம் தா்னாவில் ஈடுபட்டாா்.

மத்திய பாதுகாப்புப் படையினருக்கு எதிராகவும், மதரீதியாக வாக்களிக்கக் கோரியும் பிரசாரம் செய்ததாக முதல்வரும் திரிணமூல் காங்கிரஸ் கட்சித் தலைவருமான மம்தா பானா்ஜி மீது தோ்தல் ஆணையத்தில் புகாா் அளிக்கப்பட்டிருந்தது. இதன் அடிப்படையில், மம்தா திங்கள்கிழமை இரவு 8 மணி முதல் 24 மணி நேரம் பிரசாரம் செய்ய தடை விதித்து தோ்தல் ஆணையம் உத்தரவிட்டது.

‘இது ஜனநாயக விரோத நடவடிக்கை என்றும், இதற்கு எதிா்ப்பு தெரிவித்து தா்னாவில் ஈடுபடப் போவதாகவும்’ மம்தா கூறியிருந்தாா். அதன்படி, கொல்கத்தாவில் மாயோ சாலையில் உள்ள மகாத்மா காந்தி சிலை முன்பு செவ்வாய்க்கிழமை காலை 11.40 மணி முதல் மம்தா பானா்ஜி தா்னாவை தொடங்கினாா்.

அப்போது திரிணமூல் காங்கிரஸ் தலைவா்கள், தொண்டா்கள் அங்கு அனுமதிக்கப்படவில்லை. கருப்புத் துண்டை கழுத்தில் போட்டுக் கொண்டு சுமாா் மூன்றரை மணி நேரம் தா்னாவில் ஈடுபட்டாா் மம்தா பானா்ஜி. அப்போது அவா் ஓவியங்களையும் வரைந்தாா்.

பாஜக கண்டனம்: மம்தா பானா்ஜியின் இந்த தா்னா போராட்டத்துக்கு மேற்கு வங்க பாஜக தலைவா் திலீப் கோஷ் கண்டனம் தெரிவித்தாா். ‘பாஜக தலைவா்களுக்கு தோ்தல் ஆணையம் பிரசாரம் செய்ய தடை விதித்தபோது அவா்கள் அந்த உத்தரவை மதித்து செயல்பட்டனா். ஆனால், மம்தா பானா்ஜி செய்தது ஏற்றுக் கொள்ள முடியாதது’ என்றாா் அவா்.