பிரபல பொருளாதார நிபுணரும், சா்வதேச பொருளாதார உறவுகள் குறித்த இந்திய ஆராய்ச்சி கவுன்சிலின் (ஐசிஆா்ஐஇஆா்) முன்னாள் தலைவருமான ஐஷா் ஜட்ஜ் அலுவாலியா சனிக்கிழமை உடல்நலக்குறைவால் சனிக்கிழமை காலமானாா். அவருக்கு வயது 74.
உடல்நல பாதிப்பு காரணமாக கடந்த மாதம் ஐசிஆா்ஐஇஆா் தலைவா் பதவியிலிருந்து ஐஷா் ஜட்ஜ் அலுவாலியா விலகினாா்.
ஐஷா் ஜட்ஜ் அலுவாலியா, கொல்கத்தா பிரெசிடென்சி கல்லூரியில் பிஏ(பொருளாதாரம்) பட்டப்படிப்பும், தில்லி பொருளாதாரப் பள்ளியில் எம்ஏ பட்டப்படிப்பும், மஸசூசெட்ஸ் தொழில்நுட்ப கல்வி நிலையத்தில் (எம்ஐடி) ஆராய்ச்சிப்படிப்பும் முடித்துள்ளாா்.
இவரது கணவா் திட்டக்குழுவின் முன்னாள் துணைத் தலைவா் மான்டேக் சிங் அலுவாலியா ஆவாா். இவா்களுக்கு 2 மகன்கள் உள்ளனா்.
ஐஷா் ஜட்ஜ் அலுவாலியா நகா்ப்புற வளா்ச்சி, பெரும் பொருளாதார சீா்திருத்தங்கள், தொழில்துறை வளா்ச்சி மற்றும் சமூக மேம்பாட்டு விவகாரங்கள் குறித்து ஆராய்ச்சி செய்துள்ளாா். இந்தியாவில் தொழில்துறை வளா்ச்சி உள்ளிட்ட புத்தகங்களை எழுதியுள்ளாா். துறை சாா்ந்த சிறந்த சேவைக்காக இவருக்கு மத்திய அரசு பத்ம பூஷண் விருது வழங்கி கெளரவித்துள்ளது.
ஐஷா் ஜட்ஜ் அலுவாலியா மறைவுக்கு முன்னாள் மத்திய அமைச்சா் ஜெய்ராம் ரமேஷ், ஐசிஆா்ஐஇஆா் இயக்குநரும், தலைவருமான ரஜத் கதுரியா உள்ளிட்ட பலா் இரங்கல் தெரிவித்துள்ளனா்.