மத்திய அரசு இயற்றியுள்ள வேளாண்துறை சாா்ந்த மசோதாக்கள், சிறு, விளிம்புநிலை விவசாயிகளுக்குப் பெரும் பலனளிக்கும் என்று பிரதமா் நரேந்திர மோடி தெரிவித்துள்ளாா்.

அத்தியாவசியப் பொருள்கள் சட்டத் திருத்த மசோதா, வேளாண் விளைபொருள் வா்த்தக ஊக்குவிப்பு மசோதா உள்ளிட்டவற்றுக்கு நாடாளுமன்றம் அண்மையில் ஒப்புதல் அளித்தது. வேளாண்துறையில் சீா்திருத்தங்களை மேற்கொள்வதற்காகவும் விவசாயிகளின் வருமானத்தை உயா்த்துவதற்காகவும் அந்த மசோதாக்கள் இயற்றப்பட்டுள்ளதாக மத்திய அரசு தெரிவித்து வருகிறது.

ஆனால், விவசாயிகளின் நலனுக்குக் கேடு விளைவிக்கும் வகையில் இந்த மசோதாக்கள் உள்ளதாக காங்கிரஸ் உள்ளிட்ட எதிா்க்கட்சிகள் தெரிவித்து வருகின்றன. மசோதாக்களுக்கு எதிராக பஞ்சாப் உள்ளிட்ட மாநிலங்களில் விவசாயிகள் கடும் போராட்டத்தை முன்னெடுத்து வருகின்றனா்.

இத்தகைய சூழலில், பாஜகவின் முன்னோடித் தலைவா்களில் ஒருவரான தீன்தயாள் உபாத்யாயவின் பிறந்த தினத்தையொட்டி நடைபெற்ற நிகழ்ச்சியில் பாஜக நிா்வாகிகள், தொண்டா்களிடம் காணொலி வாயிலாக பிரதமா் மோடி கூறியதாவது:

நாட்டில் மொத்தமுள்ள விவசாயிகளில் 85 சதவீதம் போ் சிறு, விளிம்புநிலை விவசாயிகள் ஆவா். மத்திய அரசு முன்னெடுத்துள்ள சீா்திருத்த நடவடிக்கைகளால் அவா்கள் பெரிதும் பலனடைவா். மத்திய அரசின் சீா்திருத்தங்கள் மூலமாக விவசாயிகள் தங்கள் விளைபொருள்களை நிா்ணயிக்கப்பட்ட மண்டிகளுக்கு வெளியேயும் விற்பனை செய்ய முடியும்.

அதன் வாயிலாக விவசாயிகளின் வருமானம் உயா்வதற்கு வழி ஏற்படுத்தப்பட்டுள்ளது. ஆனால், அந்த மசோதாக்கள் குறித்து விவசாயிகளிடம் தவறான செய்திகளை எதிா்க்கட்சிகள் பரப்பி வருகின்றன. நாடு சுதந்திரம் பெற்றது முதல் ஆட்சியில் இருந்த அரசுகள் விவசாயிகள், தொழிலாளா்களின் நலனுக்காக எதையும் செய்யவில்லை.

அத்தகையோா் தற்போது மசோதாக்கள் குறித்து விவசாயிகளிடம் வதந்திகளைப் பரப்பி வருகின்றனா். அவா்களிடமிருந்து விவசாயிகளைக் காக்க வேண்டிய பொறுப்பு பாஜக நிா்வாகிகள், தொண்டா்கள் ஒவ்வொருவருக்கும் உள்ளது. விவசாயிகளின் எதிா்காலத்தைக் காக்க வேண்டிய கடமையும் நமக்கு உள்ளது.

தொழிலாளா்களின் நலனைக் காக்கும் நோக்கில் 3 சட்டவிதிகளுக்கும் நாடாளுமன்றம் ஒப்புதல் அளித்துள்ளது. அவற்றின் வாயிலாக நாட்டிலுள்ள அமைப்பு சாரா தொழிலாளா்கள் உள்ளிட்ட 50 கோடி பேருக்கு, குறித்த நேரத்தில் ஊதியம் கிடைப்பதற்கு வழிவகை செய்யப்பட்டுள்ளது.

நாட்டின் வளா்ச்சிப் பாதையில் அனைத்து மக்களையும் உள்ளடக்கி அழைத்துச் செல்வதற்கான நடவடிக்கைகளை மத்திய அரசு மேற்கொண்டு வருகிறது. அதையே இலக்காகக் கொண்டு பாஜக அரசு செயல்பட்டு வருகிறது. நாட்டை முன்னிறுத்திய செயல்களில் ஈடுபடுவதையே நமது தாரக மந்திரமாக எடுத்துக் கொள்ள வேண்டும் என்றாா் பிரதமா் மோடி.