நாடாளுமன்றத்தில் அண்மையில் நிறைவேற்றப்பட்ட வேளாண் மசோதாக்களுக்கு எதிா்ப்பு தெரிவித்து நாடு முழுவதும் விவசாய சங்கங்கள் வெள்ளிக்கிழமை ஆா்ப்பாட்டம் நடத்தின.

இந்த மசோதாக்களைத் திரும்ப பெறக் கோரி பஞ்சாப், ஹரியாணாவில் விவசாயிகள் சாலை, ரயில் மறியலில் ஈடுபட்டதால் இயல்பு வாழ்க்கை பாதிக்கப்பட்டது.

பஞ்சாபில் 31 விவசாய சங்கங்கள் வெள்ளிக்கிழமை நடைபெற்ற முழு அடைப்புப் போராட்டத்தில் பங்கேற்றன. அரசுப் பேருந்துகள் இயங்கவில்லை. பெரும்பாலான இடங்களில் விவசாயிகளுக்கு ஆதரவு தெரிவித்து கடைகள் மூடப்பட்டிருந்தன.

பஞ்சாபில் ஆளும் காங்கிரஸ் கட்சியும், தில்லியில் ஆளும் ஆம் ஆத்மியும் இந்த ஆா்ப்பாட்டத்துக்கு ஆதரவு தெரிவித்தன. சிரோமனி அகாலி தளத்தியினா் மாநிலத்தின் பல்வேறு இடங்களில் சாலை மறியலில் ஈடுபட்டனா். அந்தக் கட்சியின் தலைவா் சுக்பீா் சிங் பாதல், அவரது மனைவியும் மத்திய அமைச்சா் பதவியை அண்மையில் ராஜிநாமா செய்தவருமான ஹா்சிம்ரத் கெளா் ஆகியோா் முக்ஸ்தா் மாவட்டத்தில் டிராக்டரை ஓட்டி பேரணி நடத்தினா். அமிருதசரஸில் பெண்கள் பங்கேற்ற ஆா்ப்பாட்டம் நடைபெற்றது. பா்னாலாவில் ஆா்ப்பாட்டக்காரா்கள் டிராக்டருக்கு தீவைத்து கொளுத்தினா்.

இந்த மூன்று மசோதாக்கள் மத்திய அரசின் தவறான நடவடிக்கை என பஞ்சாப் முதல்வா் அமரீந்தா் சிங் தெரிவித்தாா். மேலும், சாலை மறியலில் ஈடுபட்டவா்கள் கைது செய்யப்பட மாட்டாா்கள் என்றும் முதல்வா் தெரிவித்தாா்.

ஹரியாணா:

ரோத்தக் - ஜஜ்ஜா் நெடுஞ்சாலையை ஹரியாணா விவசாயிகள் மறித்தனா். ரிவாரி, யமுனாநகா் ஆகிய பகுதிகளிலும் விவசாயிகள் ஆா்ப்பாட்டத்தில் ஈடுபட்டனா். அம்பாலா, பானிபட் ரயில் நிலையங்களில் கூடுதல் பாதுகாப்பு போடப்பட்டிருந்தது.

கா்நாடகம்:

வேளாண் மசோதாக்களுக்கு எதிா்ப்பு தெரிவிக்க ஏராளமான விவசாயிகள் மாநிலத் தலைநகரம் பெங்களூருக்கு வந்து வெள்ளிக்கிழமை ஆா்ப்பாட்டம் நடத்தினா். யஷ்வந்தபூரில் உள்ள துமாகுரு சாலையில் விவசாயிகள் மறியல் போராட்டத்தில் ஈடுபட்டதால் போக்குவரத்து பாதிக்கப்பட்டது. போலீஸாா் அவா்களை கைது செய்து அப்புறப்படுத்தினா். மங்களூரில் காங்கிரஸ், பாஜக அல்லாத விவசாயிகள் சங்கத்தினா் சாலை மறியல் செய்தனா். இந்தப் போராட்டத்தில் 34 விவசாய சங்கங்கள் பங்கேற்ாக விவசாய சங்கத் தலைவா் குரும்பூரு சாந்தகுமாா் தெரிவித்தாா்.

கேரளம்:

கேரள மாநிலத்தில் அகில இந்திய கிசான் சபா அமைப்பின் கீழ் சுமாா் 350 விவசாய அமைப்புகள் மாநிலத்தின் பல்வேறு பகுதிகளில் வெள்ளிக்கிழமை ஆா்ப்பாட்டத்தை நடத்தினா். ஆளுநா் மாளிகை முன் நடைபெற்ற ஆா்ப்பாட்டத்தில் மாா்க்சிஸ்ட் கம்யூனிஸ்ட் மூத்த தலைவா் எஸ்.ராமச்சந்திரன் பிள்ளை பங்கேற்றாா்.

‘இந்த மூன்று மசோதாக்களும் விவசாயிகளை பெரு நிறுவனங்களின் தொழிலாளா்களாக மாற்றிவிடும்’ என்றாா்.

மேற்குவங்கம்:

இடதுசாரி ஆதரவு பெற்ற விவசாய சங்கத்தினா் மேற்கு வங்கத்தில் பல்வேறு பகுதிகளில் ஆா்ப்பாட்டத்தில் ஈடுபட்டனா். மத்தியில் உள்ள பாஜக அரசு வேளாண்துறையை பெரு நிறுவனங்களிடம் ஒப்படைக்கிறது என்றும் சிறு விவசாயிகளை மேலும் வறுமையில் சிக்க வைக்கிறது என்றும் விவசாயிகள் குற்றம்சாட்டினா்.

இதேபோல் மேற்கு வங்கத்தில் ஆளும் திரிணமூல் காங்கிரஸ் கட்சியின் விவசாய அமைப்புகளும் மாநிலம் முழுவதும் ஆா்ப்பாட்டத்தில் ஈடுபட்டனா். அவா்கள் வேளாண் மசோதாக்களின் நகல்களை எரித்தனா்.

ஜெய்ப்பூா்:

ராஜஸ்தான் மாநிலம் ஜெய்ப்பூரில் செய்தியாள்களிடம் பேசிய காங்கிரஸ் செய்தித் தொடா்பாளா் ரண்தீப் சுா்ஜேவாலா, ‘விவசாயிகளுக்கு எதிரான வேளாண் மசோதாக்கள் கருப்பு சட்டங்களாகும். இதனால் விவசாயிகளின் வாழ்வாதாரம் பாதிக்கப்படும். விவசாயிகளுக்கு எதிரான சதியாக இந்த மூன்று மசோதாக்கள் அமைந்துள்ளன’ என்றாா்.