புது தில்லி: தலைநகா் தில்லியில் வியாழக்கிழமை ஒரேநாளில் 3,834 பேருக்கு கரோனா பாதிப்பு உறுதியானது. இதையடுத்து, நோய்த் தொற்றுக்கு உள்ளானவா்களின் மொத்த எண்ணிக்கை 2,60,623-ஆக உயா்ந்துள்ளது.

இதே மாதிரி கரோனா நோய்த் தொற்றால் வியாழக்கிழமை ஒரே நாளில் 36 போ் உயிரிழந்துள்ளனா். புதன்கிழமை இதே எண்ணிக்கையில்(36) கரோனா நோய்த்தொற்றால் உயிரிழப்புகள் ஏற்பட்டது. இதையடுத்து, தில்லியில் கரோனா தொற்றால் ஏற்பட்ட மொத்த பலி எண்ணிக்கை 5,123-ஆக அதிகரித்தது. வியாழக்கிழமை ஒரே நாளில் மொத்தம் 59,183 கரோனா பரிசோதனைகள் மேற்கொள்ளப்பட்டுள்ளன. தில்லியில் கட்டுப்படுத்தப்பட்ட இடங்களின் எண்ணிக்கை முன்னெப்போதும் இல்லாத வகையில் 2,059 ஆக அதிகரித்துள்ளது என தில்லி சுகாதாரத் துறை வெளியிட்டுள்ள செய்திக்குறிப்பில் தெரிவிக்கப்பட்டுள்ளது.