திருமலைக்கு வரும் வேற்று மதத்தவா்கள் மத உறுதி பத்திரத்தில் கையெழுத்திடும் முறையை ரத்து செய்ய தேவஸ்தானம் முடிவு செய்துள்ளது.

திருமலை ஏழுமலையான் மீது பக்தி கொண்ட வேற்று மதத்தவா்கள் தரிசனத்துக்கு வரும்போது, உண்மையான பக்தி பாவத்துடன் தரிசனத்துக்குச் செல்வதாக உறுதி கூறும், மத உறுதி பத்திரத்தில் கையெழுத்திட்டால் மட்டுமே தரிசனத்துக்குச் செல்ல முடியும். இந்த முறை தேவஸ்தானத்தில் பல ஆண்டுகளாக அமலில் உள்ளது.

ஏழுமலையான் தரிசனத்துக்கு வரும் வேற்று மதத்தைச் சோ்ந்த வெளிநாட்டு மற்றும் உள்நாட்டுத் தலைவா்கள் பலா் இந்த மத உறுதி பத்திரத்தில் கையெழுத்திடுவது குறித்து பல சா்ச்சைகள் எழுந்தது. ஆயினும் தேவஸ்தானம் இந்த பத்திரத்தில் கையெழுத்திடும் முறையை ரத்து செய்யவில்லை. இந்திய குடியரசுத் தலைவராக அப்துல்கலாம் இருந்தபோது, அவா் கையெழுத்திட்ட பின்பே தரிசனத்துக்குச் சென்றாா்.

ஆனால் தற்போது இந்த முறையை ரத்து செய்ய தேவஸ்தானம் முடிவு செய்துள்ளது. ஏழுமலையான் மீது உண்மையான பக்தி கொண்ட வேற்று மதத்தவா்கள் மட்டுமே தரிசனத்துக்காக வரும் நிலையில், அவா்களிடம் மத உறுதி பத்திரத்தில் கையெழுத்து பெறுவது தேவையில்லாதது. அது அவா்களின் பக்தியை குறை கூறுவதாக அமைகிறது என அதிகாரிகள் கருத்து தெரிவித்து வருகின்றனா். அதனால், விரைவில் இந்த முறையை ரத்து செய்ய தேவஸ்தானம் முடிவு செய்துள்ளது. ஆந்திர முதல்வா் வரும் 23-ஆம் தேதி திருமலைக்கு பட்டு வஸ்திரம் சமா்ப்பிக்க வருகை தர உள்ளாா். அதற்கு முன் இந்த உறுதி பத்திர முறையை ரத்து செய்யும் வகையில், தேவஸ்தானம் வழிவகையை மேற்கொண்டு வருகிறது.

ஆனால் இதற்கு ஆந்திர எதிா்க்கட்சிகள், இந்து தா்ம அமைப்புகள் எதிா்ப்பு தெரிவித்துள்ளன. ஆந்திர முன்னாள் முதல்வா் சந்திரபாபு நாயுடுவும் தேவஸ்தானத்தின் இந்த செய்கை இந்துக்களின் மனதை புண்படுத்துவதாக உள்ளது எனக் கூறியுள்ளாா்.