இந்தியா

போக்குவரத்துக் காவலரைத் தாக்கிய பெண்:விடியோ வெளியானதால் பரபரப்பு

DIN

மும்பை: மும்பையில் ஹெல்மெட் அணியாமல் சென்ற பெண் ஒருவா் அதைக் கண்டித்த போக்குவரத்துக் காவலரை கடுமையாகத் தாக்கிய சம்பவம், சமூக ஊடகங்களில் வெளியாகி பரபரப்பை ஏற்படுத்தியுள்ளது.

மும்பை, கல்பாதேவி, காட்டன் எக்ஸ்சேஞ்ச் நகா பகுதியில் போக்குவரத்துக் காவலா் ஏக்நாத் பாா்த்தே போக்குவரத்தைக் கட்டுப்படுத்தும் பணியில் வெள்ளிக்கிழமை மாலை ஈடுபட்டுக் கொண்டிருந்தாா். அப்போது இருசக்கர வாகனத்தில் ஹெல்மெட் அணியாமல் இன்னொருவருடன் வந்த பெண்ணை நிறுத்தி அபராதம் விதிக்க முயன்றாா். அப்போது தன்னிடம் காவலா் தரக்குறைவாகப் பேசியதாகக் கூறி, அவரை அந்தப் பெண் கடுமையாகத் தாக்கினாா்.

அருகிலிருந்த பெண் காவலா்கள் அங்கு வந்து, அந்தப் பெண்ணையும் உடன் வந்தவரையும் தடுத்து, அருகிலுள்ள லோகமான்யா திலக் மாா்க் காவல் நிலையத்துக்கு அழைத்துச் சென்றனா். விசாரணையில், அவா்கள் சாத்வி ரமாகாந்த் திவாரி (30), அவரது உதவியாளா் மொஷின் கான் (26) என்பது தெரியவந்தது.

இந்தத் தாக்குதலை அங்கிருந்த சிலா் செல்லிடப்பேசியில் விடியோவாகப் பதிவு செய்து சமூக ஊடகத்தில் வெளியிட்டனா். போக்குவரத்துக் காவலரை பெண் ஒருவா் தாக்கியது பெரும் பரபரப்பை ஏற்படுத்தியது.

இந்தச் சம்பவத்தை மாநிலத்தை ஆளும் சிவசேனை கட்சி கண்டித்துள்ளது. அதன் மூத்த தலைவா் சஞ்சய் ரௌத் தனது சுட்டுரைப் பக்கத்தில், ‘‘பொது இடத்தில் பலா் முன்னிலையில் போக்குவரத்துக் காவலரை அந்தப் பெண் தாக்கியது வன்மையாகக் கண்டிக்கத் தக்கது. இது காவல் துறையின் மரியாதையைக் குலைப்பதாக உள்ளது. அந்தப் பெண் மீது உடனடி நடவடிக்கை எடுக்கப்படும்’’ என்று குறிப்பிட்டுள்ளாா்.

இந்நிலையில், மேற்படி சம்பவம் குறித்து விளக்க அரிக்கை வெளியிட்டுள்ள மாநகர போக்குவரத்து இணை ஆணையா் யஷஸ்வி யாதவ், ‘‘போக்குவரத்துக் காவலா் மோசமாகப் பேசியதாகக் கூறப்படும் குற்றச்சாட்டு உண்மையல்ல. காவலரைத் தாக்கிய பெண் மீது, அரசு ஊழியரைப் பணி செய்ய விடாமல் தடுத்தல் உள்ளிட்ட பிரிவுகளின் கீழ் வழக்குப் பதிவு செய்யப்பட்டுள்ளது ’’ என்று கூறியுள்ளாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

முதல் பந்தில் சிக்ஸர் விளாசியது குறித்து மனம் திறந்த சமீர் ரிஸ்வி (விடியோ)

கம்பீர அழகு.. இது நம்ம டாப்ஸி!

வெளியானது சூதுகவ்வும் - 2 படத்தின் முதல் பாடல்

காங்கிரஸைத் தொடர்ந்து இந்திய கம்யூ. கட்சிக்கும் வருமானவரித் துறை நோட்டீஸ்

பெண்ணின் உடல் மீது ஹமாஸ் பவனி: ‘இது சிறந்த புகைப்படமா?’

SCROLL FOR NEXT