தசரா பண்டிகையையொட்டி வாழ்த்து தெரிவித்த குடியரசுத் தலைவா் ராம்நாத் கோவிந்த், இந்தப் பண்டிகை கரோனா தொற்றின் அனைத்து தீய விளைவுகளில் இருந்து நாட்டு மக்களைக் காத்து, அவா்களின் வாழ்வில் செழிப்பை உண்டாக்க வேண்டும் என்று தெரிவித்தாா்.

இதுதொடா்பாக அவா் மேலும் கூறியதாவது:

நாடு முழுவதும் தசரா பண்டிகை வெவ்வேறு வடிவங்களில் கொண்டாடப்படுகிறது. இந்தப் பண்டிகை நாட்டின் கலாசார ஒற்றுமையை வலுப்படுத்துகிறது. தீமையைப் புறக்கணித்தும், நற்பண்புகளை பின்பற்றியும் நல்லிணக்கத்துடன் வாழ ஊக்கமளிக்கிறது. இந்த சுப தினத்தையொட்டி, அனைத்து இந்தியா்களுக்கும் எனது வாழ்த்துகளை தெரிவித்துக் கொள்கிறேன் என்றாா்.