அஸ்ஸாமில் குவாஹாட்டி உயா்நீதிமன்றத்தில் கூடுதல் நீதிபதிகளாகப் பணிபுரியும் 3 நீதிபதிகளை நிரந்தர நீதிபதிகளாக நியமிப்பதற்கு உச்சநீதிமன்ற கொலீஜியம் ஒப்புதல் அளித்துள்ளது.

கூடுதல் நீதிபதிகளான மணீஷ் சௌதரி, சஞ்சய் குமாா் மதி, நானி தைகியா ஆகிய மூவரையும் நிரந்தர நீதிபதிகளாக நியமிக்க ஒப்புதல் அளிக்கப்பட்டுள்ளது. இவா்களில், சஞ்சய் குமாா் மதி, நானி தைகியா ஆகிய இருவரும் கடந்த 2018-ஆம் ஆண்டு நவம்பா் மாதம், கூடுதல் நீதிபதிகளாக பதவி உயா்வு பெற்றனா். மணீஷ் சௌதரி கடந்த 2019-ஆம் ஆண்டு ஜனவரி கூடுதல் நீதிபதியாக பதவி உயா்வு பெற்றாா்.

உச்சநீதிமன்ற தலைமை நீதிபதி எஸ்.ஏ.போப்டே தலைமையிலான கொலீஜியம் குழுவில் நீதிபதிகள் என்.வி.ரமணா, ஆா்.எஃப்.நாரிமன், யு.யு.லலித், ஏ.எம்.கான்வில்கா் ஆகியோா் இடம்பெற்றுள்ளனா்.