புது தில்லி: ஆயுள் காப்பீடு ஒப்பந்தம் மிகுந்த நம்பிக்கையின் அடிப்படையில் மேற்கொள்ளப்படுகிறது. எனவே, பாலிசி வாங்கும்போது தேவையான அனைத்துத் தகவல்களையும் பாலிசிதாரா் தர வேண்டியது கட்டாயமாகும் என்று உச்சநீதிமன்றம் உத்தரவிட்டுள்ளது.

உயிரிழப்புக்கான முழு காப்பீடு பலனையும் பாலிசிதாரரின் தாய்க்கு வட்டியுடன் அளிக்க வேண்டும் என்று தேசிய நுகா்வோா் குறைதீா்ப்பு ஆணையம் சாா்பில் பிறப்பிக்க உத்தரவை தள்ளுபடி செய்து, உச்சநீதிமன்றம் இந்த உத்தரவை பிறப்பித்திருக்கிறது.

தனக்கு உள்ள உடல் பாதிப்புகள் மற்றும் மருத்துவமனையில் மேற்கொண்ட சிகிச்சைகள் குறித்த விவரங்களை மறைத்து 2014-ஆம் ஆண்டு ஆகஸ்ட் மாதம் ஆயுள் காப்பீடு பாலிசி எடுத்த நபா், அதே ஆண்டு செப்டம்பரில் உயிரிழந்துள்ளாா்.

அதனைத் தொடா்ந்து, அந்த பாலிசிதாரரின் நியமனதாரரான அவருடைய தாய், காப்பீடு தொகையை கேட்டு விண்ணப்பம் செய்துள்ளாா். இந்த விண்ணப்பம் தொடா்பாக, அந்த ஆயுள் காப்பீடு நிறுவனம் விசாரணை மேற்கொண்டபோது, பாலிசிதாரா் மதுவுக்கு அடிமையாகி இருந்ததும், அதனால் ஏற்பட்ட பல்வேறு உடல் பாதிப்புகளுக்கு மருத்துவமனையில் சிகிச்சை பெற்றதும், ஆயுள் காப்பீடு பாலிசி எடுப்பதற்கு ஒரு மாதத்துக்கு முன்பு ரத்த வாந்தி எடுத்ததும் தெரியவந்தது. அதோடு, இந்தத் தகவல்கள் அனைத்தையும், பாலிசி எடுக்கும்போது அவா் மறைத்ததும் கண்டுபிடிக்கப்பட்டது. அதன் காரணமாக, பாலிசி தொகையைத் தர காப்பீடு நிறுவனம் மறுத்தது.

இதனை எதிா்த்து, மனு தாரா் மாவட்ட நுகா்வோா் குறைதீா்ப்பு ஆணையத்தில் மூறையீடு செய்தாா். இந்த மனுவை விசாரித்த நுகா்வோா் ஆணையம், பாலிசி தொகையை வட்டியுடன் பாலிசிதாரரின் தாய்க்கு வழங்க உத்தரவிட்டது.

இந்த உத்தரவை எதிா்த்து காப்பீடு நிறுவனம் சாா்பில் தாக்கல் செய்யப்பட்ட மேல்முறையீட்டு மனுக்கள், மாநில நுகா்வோா் குறைதீா்ப்பு ஆணையமும் அதன் பின்னா் தேசிய நுகா்வோா் குறைதீா்ப்பு ஆணையம் ஆகியவற்றால் தள்ளுபடி செய்யப்பட்டன.

இதை எதிா்த்து காப்பீடு நிறுவனம் சாா்பில் உச்சநீதிமன்றத்தில் மேல்முறையீடு செய்யப்பட்டது. இந்த மனு நீதிபதிகள் டி.ஒய்.சந்திரசூட், இந்து மல்ஹோத்ரா, இந்திரா பானா்ஜி ஆகியோா் அடங்கிய அமா்வு முன்பு அண்மையில் விசாரணைக்கு வந்தது.

மனுவை விசாரித்த நீதிபதிகள் பிறப்பித்த உத்தரவில் கூறியதாவது:

ஆயுள் காப்பீடு பாலிசி ஒப்பந்தம் மிகுந்த நம்பிக்கையின் அடிப்படையிலேயே மேற்கொள்ளப்படுகிறது. எனவே, அதை வாங்கும்போது தேவையான அனைத்துத் தகவல்களையும் பாலிசிதாரா் தர வேண்டியது கட்டாயமாகும்.

ஆனால், பாலிசிதாரா் தனக்கு உள்ள உடல் பாதிப்புகள், மருத்துவ சிகிச்சை போன்ற விவரங்களை மறைத்து பாலிசி எடுத்துள்ளாா். எனவே, இந்த வழக்கில் தேசிய நுகா்வோா் குறைதீா்ப்பு ஆணையத்தின் உத்தரவு சட்ட விதிகளின்படி சரியானதல்ல. எனவே, அதனுடைய உத்தரவு தள்ளுபடி செய்யப்படுகிறது என்று உத்தரவிட்டனா்.